នារីវ័យក្មេងម្នាក់ ត្រូវបានសមត្ថកិច្ចក្របួច.ក ជាប់ ពីបទឆបោកប្រាក់តាមវីង...
-

ពោធិ៍សាត់ ៖ កាលពីវេលាម៉ោង៣និង៣០នាទីរសៀល ថ្ងៃទី១០ ខែកញ្ញា ឆ្នាំ២០១៨ ស្ថិតក្នុងភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ នារីវ័យក្មេងម្នាក់ ត្រូវបានសមត្ថកិច្ចធ្វើការស្រាវជ្រាវរកឃើញ និងចាប់ឃាត់ខ្លួន​ ពីបទឆបោកប្រាក់តាមវីង ដែលខាងសមត្ថកិច្ចដកហូតប្រាក់ដុល្លារក្លែងក្លាយប្រមាណជិត២ម៉ឺនដុល្លារ រួមនិងសម្ភារៈមួយចំនួន ។

បើយោងតាមពាក្យបណ្តឹងរបស់បុរសរងគ្រោះដែលមានឈ្មោះថា អ៊ឹម ដារត្ន័ ភេទប្រុស អាយុ២៩ឆ្នាំ មានទីលំនៅភូមិត្រពាំងខ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
នារីដែលត្រូវសមត្ថកិច្ចចាប់ឃាត់ខ្លួននោះឈ្មោះថា ហុក វុទ្ធតី ហៅឈាងម៉ៃ អាយុ២២ឆ្នាំ មុខរបរមិនពិតប្រាកដ បច្ចុប្បន្នមានលំនៅក្នុងភូមិកាប៉ាស់ ឃុំឈើតុំ ស្រុកក្រគរ។ យោងតាមពាក្យបណ្តឹងជនរងគ្រោះ បានឲ្យដឹងថា នារីសង្ស័យខាងលើ បានធ្វើការឆបោកប្រាក់ដុល្លារតាមវីងវេរលុយចំនួន៤០០ដុល្លារ និងចំនួន៣លានរៀលទៀត ក្នុងអំឡុងខែសីហា ឆ្នាំ២០១៨កន្លងមកថ្មីៗនេះ។ ក្រោយពីទទួលបានពាក្យបណ្តឹង សមត្ថកិច្ចបានចុះស្រាវជ្រាវ រហូតឃាត់ខ្លួននារីសង្ស័យខាងលើ ដោយដកហូតនូវវត្ថុតាង និងសម្ភារៈ រួមមានប្រភេទក្រដាស់ប្រាក់ដុល្លារ១០០ ចំនួន១៥៣០០ដុល្លារ ទូរស័ព្ទដៃចំនួន១គ្រឿង ម៉ាក iPhone7 លេខ 070 609 045 ខ្សែក១ខ្សែ លោហធាតុពណ៌លឿង នាឡិកាដៃចំនួន២គ្រឿង អត្តសញ្ញាណ ប័ណ្ណសញ្ជាតិខ្មែរលេខ 160294458 ចំនួន១សន្លឹក និងកាបូបដៃចំនួន១។ បច្ចុប្បន្នជនសង្ស័យត្រូវបានសមត្ថកិច្ចធ្វើការឃាត់ខ្លួន​ និងនាំយកទៅសួរចំលើយ ដើម្បីបំពេញសំណុំបែបបទ និងបញ្ជូនទៅសាលាដំបូងខេត្តពោធិ៍សាត់ ចាត់ការបន្តតាមនីតិវិធី៕ ដោយ៖​អាខ្មៅ