ភ្នំពេញ៖ ក្រោយពីថ្ងៃលទ្ធផលប្រឡងមធ្យមសិក្សាទុតិយភូមិឆ្នាំ២០១៨រួចមក ក៏មានសិស្សានុសិស្សជាច្រើន នូវតែមិនអស់ចិត្តពីលទ្ធផលរបស់ខ្លួន ហើយក៏សូមសុំណូមពរឲ្យខាងក្រសួងធ្វើការពិនិត្យសារជាថ្មីម្តងទៀត ក្រែងមានការខុសឆ្គងត្រង់ចំណុចណាមួយ ជាពិសេសនោះគឺមុខវិជ្ជាគណិតវិទ្យា ដែលសិស្សភាគច្រើនសិស្សទាំងអស់គឺត្រូវធ្លាក់។

ទន្ទឹមនឹងការមិនអស់ចិត្តរបស់សិស្សានុសិស្ស ខណៈពេលនេះខាងក្រសួងក៏បានចេញសេចក្តីប្រកាសព័ត៏មាន យ៉ាងដូចនេះថា៖ "ក្រសួងអប់រំ យុវជន និងកីឡា បានរៀបចំគណៈកម្មការកោសល្យវិច័យ ដើម្បីពិនិត្យដោះស្រាយចំពោះការមិនពេញចិត្តនឹងលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២០ សីហា ២០១៨ ជូនបេក្ខជន មាតាបិតា អាណាព្យាបាល ឬអ្នកពាក់ព័ន្ធ ប្រកបដោយវិជ្ជាជីវៈ និងស្មារតីទទួលខុសត្រូវខ្ពស់ ដូចធ្លាប់អនុវត្តតាមនីតិវិធីនាឆ្នាំកន្លងមក។ គណៈកម្មការកោសល្យវិច័យនឹងចាប់ដំណើរការការងារពីថ្ងៃជូនដំណឹងនេះ ក្នុងរយៈពេល ១សប្តាហ៍"។ ក្រោយពីទទួលបានដំណឹងនេះភ្លាម ប្អូនៗជាច្រើនការរំភើប និងអរគុណដ៏ខាងក្រសួងដែលបានធ្វើការពិនិត្យវិញ្ញាសារជាថ្មីម្តងទៀត តាមសូមណុំពររបស់សិស្សានុសិស្ស៕