មុន​នេះ​បន្តិច​កីឡាករ សាលី អ៊ូមើត ទទួល​បាន​រថយន្ត​​មួយ​គ្រឿង​ ​ជា​ការ​លើក​ទឹក​ចិត្ត​​​​ដែល​​អាច​ដណ្ដើម​បាន​មេដាយ​មាស​ជូន​កម្ពុជា​ពី​ការ​ប្រកួត​លើ​វិញ្ញាសា​ម៉ូតូ​ទឹក ​ក្នុង​ព្រឹត្តិការណ៍​កីឡា​ទ្វីប​អាស៊ី​នៅ​ឥណ្ឌូណេស៊ី​កាល​ពី​ពេល​កន្លង​ទៅ។

នៅ​លើ​គណនី​បណ្ដាញ​សង្គម​របស់​ខ្លួន​ កីឡាករ​វ័យ ២៦ ឆ្នាំ​មក​ពី​ខេត្ត​ត្បូង​ឃ្មុំ​រូប​នេះ​ បាន​បង្ហាញ​ថា​រថយន្ត​​ដែល​ខ្លួន​ទទួល​បាន​ជា​រថយន្ត​ Ford Ranger Raptor ស៊េរី​ឆ្នាំ ២០១៨ ដោយ​ទទួល​បាន​ពី​មេ​របស់​ខ្លួន។ ​​​​គួរ​ដឹង​ថា​ Ford Ranger Raptor ជា​​រថយន្ត​ភីកអាប់​មាន​សមត្ថភាព​ខ្លាំង​លើ​ការ​បើកបរ​ Off-Road ដោយ​មាន​លក់​នៅ​ប្រទេស​ថៃ​ក្នុង​តម្លៃ​​ប្រមាណ​ ៥១ ៧០០ ដុល្លារ។ រថយន្ត​នេះ​ប្រើ​ប្រាស់​ម៉ាស៊ីន​ម៉ាស៊ីន​៤ ស៊ីឡាំង​ ចំណុះ ២,០ លីត្រ​ ប្រភេទ​ Bit-Turbo, មាន​ប្រអប់​លេខ​អូតូ ១០ វគ្គ និង​មាន​ប្រភេទ​បើកបរ​ចំនួន ៦ ឲ្យ​ជ្រើស​រើស។ ក្រៅ​ពី​រថយន្ត​មួយ​គ្រឿង​នេះ​កីឡា​ករ សាលី អ៊ូមើត ក៏​ទទួល​បាន​ប្រាក់​រង្វាន់​លើក​ទឹក​ចិត្ត​ជា​ច្រើន​បន្ថែម​ទៀត​ពី​​ក្រសួង​ និង​សម្ដេច​តេជោ​ ហ៊ុន សែន​ផង​ដែរ៕ ប្រភព៖​autobodia