នា​ព្រឹក​មិញ​នេះ សិស្ស​​​​ទី ១២ ដែល​ប្រឡង​ជាប់​និទ្ទេស​ A នៅ​ក្នុង​ខេត្ត​កំពង់ស្ពឺ ចំនួន​បី​រូប​ ទទួល​បាន​រង្វាន់​​លើក​ទឹកចិត្ត​​ជា​ម៉ូតូ​ Zoomer-X ស៊េរី​ឆ្នាំ ២០១៨ ម្នាក់​មួយ​គ្រឿង​​ ពី​​ឯក​ឧត្តម​ វី សំណាង ដែល​ជា​អភិបាល​ខេត្ត។

សិស្ស​ទាំង ​៣ ដែល​ទទួល​បាន​និទ្ទេស​ A នៅ​ពេល​នេះ​រួម​មាន​ ៖ ១. ហ៊ត ឈៀងហេង មក​ពី​វិទ្យាល័យ​ត្រែង​ត្រយឹង ទទួល​បាន​ពិន្ទុ ៩៩,៩១២ ២. ជា បរិបូរ មក​ពី​វិទ្យាល័យ​វាល​ពង់ ទទួល​បាន​ពិន្ទុ ៩៩,៨២៧ ៣. អ៊ឹង ហ្គិចភីង មក​ពី​វិទ្យាល័យ​កំពង់​ស្ពឺ ទទួល​បាន​ពិន្ទុ ៩៩,៧៧៩ ​គួរ​ដឹង​ថា​ម៉ូតូ​ Zoomer-X ស៊េរី​ឆ្នាំ ២០១៨ នេះ​គឺ​ជា​ម៉ូតូ​ថ្មី​សន្លាង​​ដោយ​បច្ចុប្បន្ន​នេះ ​ក្នុង​មួយ​គ្រឿង​មាន​លក់​តម្លៃ​ខ្ទង់​ ​ជាង​ ២ ពាន់​ដុល្លារ។ នេះ​ជា​ការ​ប្រគល់​ជូន​រង្វាន់​លើ​ទឹក​ចិត្ត​ដំបូង​គេ​សម្រាប់​សិស្ស​និទ្ទេស​ A ឆ្នាំ ២០១៨ នេះ៕ ប្រភព៖​ autobodia