ភ្នំពេញៈ កាលពីវេលាម៉ោង៥ៈ២០នាទីល្ងាច ​ថ្ងៃ​ទី​១២ ខែ​កញ្ញា ​ឆ្នាំ​២០១៨ តាមបណ្ដោយផ្លូវ​ម៉ៅសេទុង ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។ ដោយសារតែឥទ្ធិពលនៃគ្រឿងញៀន បានធ្វើឲ្យយុវតីវ័យក្មេងម្នាក់ មិនត្រូវបានស្គាល់អត្តសញ្ញាណ អាយុប្រហែល២០ឆ្នាំ សម្បូរខ្មៅស្រអែម ស្លៀកខោខាវប៊ូយខ្លី អាវសាច់ក្រណាត់ដៃវែង។ បាត់បង់ស្មារតីរហូតទាល់តែដើរស្រែកឡូឡា និងរត់ពេញផ្លូវ បង្កការភ្ញាក់ផ្អើលដល់ប្រជាពលរដ្ឋ ធ្វើដំណើរតាមផ្លូវ និងសមត្ថកិច្ចចុះមកឃាត់ខ្លួន ដើម្បីសាកសួររកក្រុមគ្រួសារ និងយកទៅអប់រំនៅមន្ទីរសង្គមកិច្ច ។

តាមប្រភពព័ត៌ពីកន្លែងកើតហេតុ បានឲ្យដឹងថា ដំបូងឡើយគេឃើញក្មេងស្រីរងគ្រោះ បានដើរតាមផ្លូវម្នាក់ឯងមិនដឹងមកពីណានោះទេ ដោយដើរបណ្ដើរស្រែករវើរវាយបង្កការភ្ញាក់ផ្អើលដល់ពលរដ្ឋធ្វើដំណើរតាមផ្លូវនិងសមត្ថកិច្ចចុះមកឃាត់ខ្លួន ដើម្បីសាកសួររកក្រុមគ្រួសារ និងយកទៅធ្វើការអប់រំនៅមន្ទីរសង្គមកិច្ចតែម្តង ៕