ភ្នំពេញ៖ នៅថ្ងៃទី១៣ ខែកញ្ញា ឆ្នាំ២០១៨ នាវេលាម៉ោង១២ថ្ងៃត្រង់មានករណីចោរស្រីមុខស្រស់ម្នាក់ បានចូលទៅបន្លំលួចទូរស័ព្ទអាជីវករនៅក្នុងផ្សារព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។

ទោះបីជាយ៉ាងណាក៏ដោយជនសង្ស័យរូបនេះមិនត្រូវបានស្គាល់អត្តសញ្ញាទេ ត្រូវអាជីវករបានចាប់វាយធ្វើបាប រួចចាប់កោរសក់ រួចប្រលែងអោយមានស៊រីភាពវិញ តែមិនបានប្រគល់ទៅអោយសមត្ថកិច្ចមានចំណាត់ការនោះទេ។ ហេតុការណ៍នេះត្រូវបានមហាជនមួយចំនួនរិះគន់ទៅលើបុរសម្នាក់ដែលព្យាយាមចាប់កោរសក់នារីជាចោរម្នាក់នោះ ដែលមើលទៅពិតជាមានអារម្មណ៍ថាដូចជាហួសហេតុបន្តិចហើយ។ មិនតែប៉ុណ្ណោះ មុនពេលចាប់កោរសក់ ក៏មានអ្នកប្រើអំពើហិង្សាទៅលើចោរស្រីម្នាក់នោះដែរ។ មានមតិមួយចំនួនបានលើកឡើងថា ទោះបីគាត់ជាចោរយ៉ាងម៉េចក៏ដោយ គួរតែឃាត់ខ្លួនទុកអោយសមត្ថកិច្ចយកទៅចាត់ការទៅតាមនីតិវិធី ។ មិនគួរនាំគ្នាប្រើអំពើហិង្សាទៅលើនាង ជាពិសេសចាប់នាងកោរសក់បែបនេះទេ វាពិតជាសកម្មភាពមួយដ៏គួរអោយអាក្រក់មើលណាស់។ ក្រោយពេលកើតហេតុសមត្ថកិច្ចបានចុះទៅដែរតែប្រជាពលរដ្ឋបានប្រលែងនារីដែលជាជនសង្ស័យនោះអោយមានស៊រីភាពវិញ៕ មានវីដេអូ៖ ដោយ៖ ភារ៉ា