ទន្ទឹមការផ្ទុះរឿងរ៉ាវ នៅលើបណ្តាញសង្គមហ្វេសប៊ុក ដែលគ្មានអ្នកពើជួយដល់ប្អូនស្រី តែបែរជាម្នាក់ៗ ឈរឡាយវីដេអូ សើចសប្បាយ ពីសំណាក់ប្រជាពលរដ្ឋនិងអាជីវករដែលនៅក្នុងផ្សារព្រៃទា ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដែលមានប្រជាពលរដ្ឋជាច្រើនបានអះអាងថា នារីជនសង្ស័យម្នាក់ បានធ្វើសកម្មភាពលួចយកទូរស័ព្ទ ហើយពួកគាត់ចាប់បាន ក៏ចាប់នាងកោរសក់នៅកន្លែងកើតហេតុតែម្តង។

រឿងរ៉ាវទាំងនេះបានកើតឡើងកាលពពីថ្ងៃទី១៣ ខែកញ្ញា ឆ្នាំ២០១៨ នាវេលា ម៉ោង១២ ថ្ងៃត្រង់នេះ នៅក្នុងផ្សារព្រៃទា ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ អ្នកលេងបណ្តាញសង្គមហ្វេសប៊ុកជាច្រើនក៏បាន ធ្វើការខមិនជាច្រើនថា គួរតែឃាត់ខ្លួនទុកអោយសមត្ថកិច្ចយកទៅចាត់ការទៅតាមនីតិវិធី មិនគួរនាំគ្នាប្រើអំពើបែបនេះ ទៅលើនាងនោះទេ។ លោកវរះសេនីយ៏ឯក លោកយឹម សារ៉ាន់ អធិការនគរបាលខណ្ឌពោធិ៍សែនជ័យ បានបញ្ជាក់បន្ថែមថា បានដឹកនាំកម្លាំងចុះស៊ើបអង្កេត និងស្រាវជ្រាវយ៉ាងយកចិត្តទុកដាក់ហើយ។ ករណីនេះមិនគួរឲ្យកើតមានឡើងតទៅទៀតទេ ។ បើនារីនោះជាចោរមែន បងប្អូនប្រជាពលរដ្ឋមានសិទ្ធិឃាត់ខ្លួនបញ្ជូនមកមន្រ្តីនគរបាលយុត្តិធម៏ ដែលនៅជិតបំផុតពីកន្លែងកើតហេតុ ។ មានវីដេអូ៖