កំពត៖ កាលពីប៉ុន្មាននាទីមុននេះ ផេកហ្វេសប៊ុកផ្លូវការរបស់ក្រសួងអប់រំយុវជននិងកីឡា បានចេញលទ្ធផលប្រឡងសម្រាប់ថ្នាក់វិទ្យាសាស្រ្តជាថ្មី ក្រោយពីមានកំហុសបច្ចេកទេសប្រព័ន្ធកុំព្យូទ័រ។

យ៉ាងណាមិញ ក្រោយពីចេញលទ្ធផលផ្លូវការជាលើកទី២ភ្លាម មានរឿងដ៏គួរឲ្យភ្ញាក់ផ្អើលយ៉ាងខ្លាំង ចំពោះដំណឹងល្អរបស់ប្អូនប្រុស ឈ្មោះ ឆាយ លីអាន ជាសិស្សនៅខេត្តកំពត ដែលកាលពីចេញលទ្ធផលលើកដំបូង ប្អូនប្រុសទទួលបាន និទ្ទេសD ដោយឡែកនៅក្នុងមុខវិជ្ជាគណិត ប្អូនប្រុសទទួលបាននិទ្ទេស F ទាំងដែលប្អូនក៏ធ្លាប់ជាសិស្សពូកែគណិតវិទ្យទូទាំងប្រទេស។ តួយ៉ាង ប្អូន ឆាយ លីអាន បានផ្លាស់ប្តូរទាំងស្រុងពីនិទ្ទេស D មកនិទ្ទេស A ក្នុងលំដាប់ពិន្ទុ ៩៩.៩០២ ហើយនិទ្ទេសមុខវិទ្យាគណិតវិទ្យារបស់ប្អូន ក៏បាននិទ្ទេស A ដូចគ្នា។ ភ្លាមនោះ ប្អូនប្រុសក៏បានបង្ហាញអារម្មណ៍រំភើបយ៉ាងខ្លាំង ក្រោយពីទទួលបានដំណឹងយ៉ាងល្អមួយនេះ។