មនុស្សជាង៣០នាក់ បាននាំគ្នាទៅ ប៉ុស្តិ៍ចោមចៅ៣ ដើម្បីរង់ចាំស្តាប់លទ្ធ និងចូលរួមបំភ្លឺ ក្នុងករណី វាយដំ ព្រមទាំងចាប់កោរសក់ក្បាលចោរស្រីរូបស្រស់នោះ ក្រោយពី...

ភ្នំពេញ ៖ កាលពីម៉ោង១និង៣០នទីរសៀល ថ្ងៃទី១៣ កញ្ញា ២០១៨ នៅចំណុចផ្សារព្រៃទា ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ កម្លាំងនគរបាលប៉ុស្តិ៍ចោមចៅ៣ ខណ្ឌពោធិ៍សែនជ័យ បានបើកប្រតិបត្តិការស្រាវជ្រាវទៅលើសកម្មភាពអ្នកផ្សារព្រៃទាដែលចាប់យុវតីម្នាក់កោរសក់ក្បាល និងវាយដំច្រំធាក់ ដោយចោទប្រកាន់ថា ជាចោរចូលទៅក្នុងផ្ទះមួយប៉ុនប៉ងលួចទូរស័ព្ទ និងលុយកាក់ពួកគាត់។

រហូតមកដល់វេលាម៉ោង ១២ថ្ងៃត្រង់នេះ មានប្រជាជនប្រមាណជាង៣០នាក់ បានទៅកាន់ប៉ុស្តិ៍ ដើម្បីបំភ្លឺដល់មនុស្សចំនួន៣នាក់ ដែលត្រូវកម្លាំងនគរបាលហៅទៅសាកសួរ ពីបទវាយដំ និងចាប់ជនសង្ស័យកោរសក់ក្បាល។

បើតាមនគរបាលប៉ុស្តិ៍ចោមចៅ៣ ប្រាប់ថា បន្ទាប់ពីទទួលដំណឹងនោះភ្លាម កម្លាំងនគរបាលក៏ចុះទៅកាន់កន្លែងកើតហេតុភ្លាមៗដែរ ប៉ុន្តែពេលទៅដល់នារីសង្ស័យត្រូវអ្នកផ្សារដោះលែងផុតបាត់ទៅហើយ។ លុះសួរនាំទៅថា នាងម្នាក់នោះមិនទាន់លួចអ្វីនៅឡើយទេ គ្រាន់តែដើរចូលទៅក្នុងផ្ទះមួយកន្លែង ក៏សង្ស័យថាប៉ុនប៉ងលួចទូរស័ព្ទប៉ុណ្ណោះ ទើបកម្លាំងនគរបាលត្រឡប់មកប៉ុស្តិ៍វិញ។