នេះសំណាងហើយ ដែលមិនប៉ះពាល់ជីវិតនោះ!!! ស្រ្ដីចំណាស់ម្នាក់កំពុងហាលត្រីសុខៗ ស្រាប់តែដើមដូងងាប់មួយដើម បាក់ធ្លាក់សង្កត់ពីលើ បណ្តាលឲ្យរបួសធ្ងន់ នៅខណ្ឌឬស្សីកែវ
ភ្នំពេញៈ នៅរសៀលថ្ងៃទី១៥ ខែកញ្ញា ឆ្នាំ២០១៨នេះ តាមបណ្តោយផ្លូវជាតិលេខ៥ ចំណុចដីឡូត៍មួយកន្លែង ក្បែរការ៉ាស់សាំងតេលា ភូមិ៣ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។ នៅមុនពេលកើតហេតុ គេឃើញស្ត្រីខាងលើកំពុងហាលត្រីសុខៗ ស្រាប់តែដើមដូងងាប់ ពុកផុយ ប្រហែល៥ម៉ែត្រ បានបាក់ពាក់កណ្តាលដើម ធ្លាក់ចុះមកក្រោមសង្កត់ចំក្បាលស្ត្រីខាងលើសន្លប់និងរបួសធ្ងន់។ភ្លាមៗនោះ សាច់ញាតិភ័យស្លន់ស្លោរពេក ខ្លាចជនរងគ្រោះមានគ្រោះថ្នាក់ដល់អាយុជីវិត ក៏ប្រញាប់ប្រញ៉ាល់បញ្ជូនតាមរ៉ឺម៉កទៅគ្លីនិកឯកជន ព្រោះស្ថានភាពជនរងគ្រោះមានសភាពធ្ងន់ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។