ថ្ងៃទី១៦ ខែញ្ញា ឆ្នាំ២០១៨ អតីតចៅសង្កាត់អូរចារកញ្ញារូបស្រស់ រ៉ូហ្សេត បានយកប្រាក់ដែលខំរកស៊ីទាំងព្រឹកថ្ងៃយប់បូករួមទាំងថវិកាសន្សំខ្លះពីការលក់តាមអនឡាញ និងនំបញ្ចុកមកធ្វើកិច្ចការសង្គម។

កញ្ញារៀបរាប់តាមបណ្ដាញសង្គមហ្វេសប៊ុកថា៖ «ក្រោយពីការខិតខំរកស៊ីទាំងព្រឹកថ្ងៃយប់មួយរយះកន្លងមកនេះ ខ្ញុំបានសន្សំថវិកាខ្លះដែលចំនេញពីមុខរបរលក់ដូរនៅតាមអនឡាញ ឬលក់នំបញ្ចុកនៅហាងនាងខ្ញុំ ដើម្បីមកធ្វើកិច្ចការសង្គម។ យើងស្លាប់ទៅវិញ មិនយកអ្វីទៅតាមទេ បើយើងនៅរស់ត្រូវធ្វើតែសេចក្តីល្អ ភាពត្រឹមត្រូវ កុំអោយអ្នកដ៌ទៃរងគ្រោះឈឺចាប់ដោយសារយើង ។ ក្នុងនោះខ្ញុំចែកជូនដល់លោកតាលោកយាយបងប្អូនប្រហែល១០០នាក់ ដោយក្នុងម្នាក់១០០០០៛ ។ -និងជូនអ៊ុំម្នាក់ដែលដែលខ្ញុំបានសន្យាចេញប្រាក់ថ្លៃបកភ្នែក និងកាត់វែ់នតា តែពេទ្យថាកុំទាន់ ដូច្នេះបានទិញថ្នាំអស់30$ -ជូនលោកតាដែលឈឺ ស្គម មានជំងឺសួត 50000រៀល។ - ចែកសៀវភៅជូនកុមារនៅភូមិព្រៃកូនសេកជាង100នាក់ ព្រមទាំងថវិកាផងដែរ ។ បុណ្យកុសលដែលខ្ញុំធ្វើថ្ងៃនេះ សូមចែករំលែកដល់បងប្អូនទាំងអស់គ្នា» ៕