ភ្នំពេញៈ តាមពិតសិស្សដែលជាប់ និន្ទេស A ខ្ពស់ជាងគេ ទូទាំងប្រទេស គឺជាកូនអ្នកក្រីក្រម្នាក់ ដែលមានបំណង់ប្រាថ្នា ចង់រៀន​​​​​​​​​ពេទ្យនិង​​​​​ស្ថាបត្យកម្ម ​​​​​​​​​តែគ្មានវាសនារៀនដូចគេ ព្រោះតែឪពុក ជាអ្នករត់ម៉ូតូឌុប ហើយជីវភាពគ្រួសារខ្វះខាត់ទៀត មិនដឹងថាមានវាសនា បានរៀនដូចបំណងឬអត់ទេ ? ប៉ុន្តែ យុវសិស្ស ថន រតនា បានតស៊ូ ប្រឹងប្រែង រៀនសូត្រ រហូតបានក្លាយ ជាបេក្ខជន ឆ្នើមលើសគេ ទូទាំងប្រទេសដោយបាន ជាប់និទ្ទេស A១០០ភាគរយ នៅក្នុងការប្រឡងបាក់ឌុប ឆ្នាំ២០១៨នេះ ។

យុវតី ថន រតនា ដែលទើបបាន ទទួលលទ្ធផលលើកទី២ ប្រកាសដោយ ក្រសួងអប់រំ បានឱ្យដឹងថា ខ្លួនពិតជាសប្បាយរីករាយ ខ្លាំងណាស់ហើយ រកនឹកស្មាន មិន ដល់ផងថាបានទទួលនិទ្ទេស Aខ្ពស់ ជាងគេទូទាំងប្រទេសឡើយ។ បេក្ខជនវ័យ១៨ឆ្នាំ ជាសិស្សមកពីវិទ្យាល័យហ៊ុនសែន ប៊ុនរ៉ានី ផ្សារដើមថ្កូវ ក្នុងរាជធានី ភ្នំពេញរូបនេះ បានឱ្យដឹងថានាពេលនេះខ្លួនកំពុងតែចង់ក្លាយជាវេជ្ជបណ្ឌិត មួយរូបហើយបើសិនគ្មានលទ្ធភាពរៀនដោយសារ ការចំណាយច្រើន។ លទ្ធភាពគ្រួសារមិនអាច ទៅរួចនោះខ្លួន នឹងជ្រើសរើស ប្រឡងចូលផ្នែក ស្ថាបត្យកម្មវិញ។ ជុំវិញ ការចង់រៀន ផ្នែកស្ថាបត្យកម្មនេះដែរ បេក្ខជនឆ្នើមរូបនេះ បានឱ្យដឹងថា ដោយសារមើលឃើញទីផ្សារ សំណង់ នៅកម្ពុជាកំពុងទទួលការរីកចម្រើនយ៉ាងខ្លាំងក្លា។ ផ្គួបផ្សំ ជាមួយមុខវិជ្ជានេះទីផ្សារការងារនៅ តម្រូវការខ្ពស់ហេតុនេះ នៅពេលបញ្ចប់ការសិក្សាខ្លួន អាចទទួលបាន ការងារល្អៗនៅ ថ្ងៃខាងមុខ ។ យុវតីរូបនេះ បានឱ្យដឹង បន្ថែមថាពេលនេះ ខ្លួនចង់រៀន ចំពោះមុខវិជ្ជា ដែលជាក្តីស្រមៃ គឺរៀនមុខវិជ្ជា ពេទ្យ និង ចង់ ក្លាយជាវេជ្ជបណ្ឌិតណាស់។ ប៉ុន្តែដោយសារជីវភាពក្រីក្រ ប្រហែលមិនអាចឈោងចាប់ទេ នៅថ្ងៃខាងមុខ។ ដោយឡែកទាក់ទិនទៅនឹង ស្ថានភាពគ្រួសារវិញ យុវតី ថន រតនា បានឱ្យដឹងផងថា ជីវភាពគ្រួសាររបស់ខ្លួន សព្វថ្ងៃទទួលការលំបាក ខ្លាំងដោយសារឪពុកជា អ្នករត់ម៉ូតូឌុប។ ហេតុនេះទាំងការរៀនសូត្រ ចំណូលចំណាយ ក្នុងគ្រួសារ គឺពឹងផ្អែកទៅលើឪពុក ម្នាក់គត់ឯម្តាយ ជាស្ត្រី មេផ្ទះប៉ុណ្ណោះ ។ ​ ​ សូមបញ្ជាក់ថាយុវតីជាប់និទ្ទេស A ខ្ពស់ជាងគេ ទូទាំងប្រទេស យុវតី ថន រតនា គឺជាកូនស្រីពៅ ក្នុងចំណោមបងប្អូន៣នាក់ ៕