សំណាងហើយឃើញចោរទាន់ កុំអីបាត់ម៉ូតូបាត់...
ភ្នំពេញ៖ កាលពីថ្ងៃទី១៦ ខែកញ្ញា ឆ្នាំ២០១៨ នៅចំណុចផ្ទះលេខគ្មាន ក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ បុរសម្នាក់កំពុងតែធ្វើសកម្មភាពកាច់.កម៉ូតូ សំណាងហើយដែលម្ចាស់ឃើញទាន់ បានស្រែកឆោរឡោ ឲ្យអ្នកជិតខាងជួយចាប់។
ម្ចាស់ម៉ូតូមានឈ្មោះ ចាន់ សុខ វុទ្ធី ភេទប្រុស អាយុ២១ឆ្នាំ ជនជាតិខ្មែរ មានទីលំនៅផ្ទះលេខគ្មាន ក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរ លក់ដូរ។ ចំណែកជនសង្ស័យឈ្មោះ ឌី ណារ៉ុង ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះលេខគ្មាន ភូមិបិងឈូក សង្កាត់គីទ្បូម៉ែត្រលេខ៦ ខណ្ឌឫស្សីកែវ (ឃាត់ខ្លួន) ជនសង្ស័យប្រើប្រាស់គ្រឿងញៀនអស់រយៈពេល៣ឆ្នាំមកហើយ។ ចំណែកវត្ថុតាងដកហូតឲ្យបានរួមមាន៖ ទី១-សោខ្សៀលេខ៨ មួយដើម, ទី២-ដែកសំប៉ែត ចំនួន១ដើម, ទី៣-ម៉ូតូស៊ុមមឺអិច ពណ៌សលាយទឹកក្រូច ពាក់ស្លាកលេខ ភ្នំពេញ 1GI-9125 មួយគ្រឿង។ ជនរងគ្រោះបានប្រាប់ថា មុនពេលកើតហេតុ បានទុកម៉ូតូនៅក្រោមផ្ទះ ដោយបានចាក់សោ.កត្រឹមត្រូវ រួចក៏ទៅលើផ្ទះ លុះដល់ម៉ោង១និង០៦នាទី ជនរងគ្រោះក៏មកយកម៉ូតូ ស្រាប់តែឃើញជនសង្ស័យកំពុងលួច (ឆ្កិះសោម៉ូតូ) ភ្លាមនោះជនរងគ្រោះក៏ស្រែកផ្អើលដល់កម្លាំងសមត្ថកិច្ច ដែលកំពុងល្បាតនៅជិតកន្លែងកើតហេតុ ក៏ធ្វើអន្តរាគមន៍ឈានដល់ឃាត់ខ្លួនជនសង្ស័យ និងវត្ថុតាងយកមកសាកសួរនាំ ៕ ដោយ៖ ផារ៉ា
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។