តារាសម្តែង និងជាពិធីករដ៏ស្រស់សង្ហារ អមជាមួយនឹងវោហាស័ព្ទលោក ប៉ែន ចំរ៉ុង គ្រាន់តែបានឃើញក្មេងប្រុសម្នាក់ ដែលមានជំងឺមហារីក តាំងពីតូចក្រូចឆ្មា​ ដែលវ័យប៉ុននេះ ជាវ័យដែលកំពុងតែដើរលេង សើចសប្បាយក្អាកក្អាយ ជាមួយនឹងមិត្តភិក្តនៅក្នុងមជ្ឈដ្ឋាន តែបែរជាត្រូវមកដេកស្តូកស្តឹងមិនដឹងខ្លួនបែបនេះទៅវិញ។

ជាក់ស្តែងនៅក្នុងគណនីហ្វេសប៊ុករបស់លោកប៉ែន ចំរ៉ុង ក៏បានបង្ហោះវីដេអូ ជាមួយនឹងរូបភាពជាច្រើន របស់ប្អូនប្រុសនិងអ្នកម្តាយ ដែលកំពុងតែដេកស្តូកស្តឹងនៅនឹងកន្ទេល ប្អូនប្រុសមានឈ្មោះថា សុជាតិ អាយុ៨ឆ្នាំ ។ លោក ប៉ែន ចំរ៉ុងក៏បានរៀបរាប់នៅក្នុងគណនីហ្វេសប៊ុកទៀតថា "ភាពជាម្តាយ ឳពុកតែងស្រលាញ់អាណិតកូនកូនជាវត្ថុមានតំលៃដែលមិនអាចកាត់ថ្លៃបាន ពេលឃើញកូនដេកស្តូកស្តឹងមិនកំរើកមិននិយាយ រហូតក្លាយជាមនុស្សរុក្ខជាតិមួយកំណាត់ខ្លួនទាំងខ្លួនលទ្ធភាពជួយ ហើយថែមទីទល់ក្រថែមទៀត តើអ្នកណាយល់ពីអារម្មណ៍មួយនេះ? អាណិតក្មួយប្រុសកើតមហារីសួតកំពុងត្រូវការសង្រ្កោះនិងជំនួយជាបន្ទាន់ បើពុកម៉ែបងប្អូនមានបំណងចង់ជួយដល់ក្មួយប្រុសសូមទំនាក់ទំនងទៅម្តាយគាត់ផ្ទាល់តាមរយះលេខទូរស័ព្ទ ០៩៧៦៨៣៦៩៣៩ សូមអរគុណទុកជាមុន????"។ មានវីដេអូ៖ ប្រភព៖ ប៉ែន ចំរ៉ុង