ពុទ្ធបរិស័ទ្ធនៅខណ្ឌដង្កោ ផ្ទុះការតវ៉ាឲ្យព្រះចៅអធិការវត្តកំពង់ក្តុល ចុះចេញពីតំណែង ក្រោយពីដឹងថា លួចលាក់មានប្រពន្ធកូននៅខាងក្រៅ (មានវិដេអូ)
ភ្នំពេញ៖ កាលពីវេលាម៉ោង២និង៣០នាទី រំលងអាធ្រាត្រ ឈានចូលថ្ងៃទី១៨ ខែកញ្ញា ឆ្នាំ២០១៨ ប្រជាពលរដ្ឋមានការខឹងសម្បារជាខ្លាំង ដោយព្រះចៅអធិការវត្តកំពង់ក្តុល ព្រះនាម មៀច សុវណ្ណ ត្រូវបានកម្លាំងសមត្ថកិច្ចតាមដានជាយូរមកហើយ បានឃាត់ខ្លួនបន្ទាប់លួចចេញពីវត្តទៅដេកផ្ទះស្រីស្នេហ៍ នៅក្នុងភូមិខ្វិត សង្កាត់សាក់សំពៅ ខណ្ឌដង្កោ។
សមត្ថកិច្ចបានបន្តទៀតថា ចៅអធិការរូបនេះ ត្រូវបានសមត្ថកិច្ចធ្វើការឃាត់ខ្លួន នៅផ្ទះឈ្មោះហេង សុខហៀង ភេទស្រី អាយុ២២ឆ្នាំ ស្ថិតផ្លូវបេតុង ស្ថិតនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ។ សមត្ថកិច្ចបានបន្តទៀតថា ព្រះចៅអធិការវត្តក្តុល ដែលមានទីតាំងស្ថិតនៅភូមិពោធិ៍រលំ សង្កាត់សាក់សំពៅ ខណ្ឌដង្កោ រាជធានីភ្នំពេញ បានស្លៀកពាក់ស៊ីវិល(ពាក់អាវយឺតនិងស្លៀកខោជើងខ្លី)ចេញពីវត្តទៅផ្ទះរបស់ឈ្មោះហេង សុខហៀង ភេទស្រី អាយុ២២ឆ្នាំ(ស្រីស្នេហ៍) ផ្លូវបេតុង ស្ថិតនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ដែលមាន ចម្ងាយពីវត្តប្រហែល១០០០ម៉ែត្រ ។ ពេលនោះក៏ត្រូវបានប្រជាពលរដ្ឋនៅក្នុងភូមិខ្វិត ខាងលើនាំគ្នាចាប់ ឃាត់ខ្លួន ប្រគល់អោយសមត្ថច្ចនគរបាលប៉ុស្តិ៍សាក់សំពៅ ហើយបច្ចុប្បន្នសមត្ថកិច្ច កំពុង យកព្រះសង្ឃឈ្មោះ មៀច សុវណ្ណ មកស្នាក់បណ្តោះអាសន្ននៅអធិការដ្ឋាននគរបាល ខណ្ឌដង្កោ ដើម្បីការពារ សុវត្ថិភាព និងទុកប្រគល់ អោយការិយាល័យ ធម្មការ និង ចាត់វិធានការតាមវិន័យសង្ឃ។ ជាក់ស្ដែងនៅវេលាម៉ោង២ រសៀលថ្ងៃទី៣១ ខែសីហា ឆ្នាំ២០១៨ប្រជាពលរដ្ឋដែលរស់នៅក្បែរៗវត្ដកំពុងក្ដុល បានលើកគ្នាមកធ្វើការតវ៉ាពេញនៅក្នុងវត្ដ ហើយក៏មានលោកតាអាចារ្យ២នាក់ចេញមកធ្វើការអន្ដរាគមន៍ ដោយសួរប្រជាពលរដ្ឋថា នាំគ្នាមកក្នុងវត្ដធ្វើអ្វី ម្ដេចក៏មិននាំគ្នាទៅប្ដឹងទៅ ។ ជុំវិញករណីប្រជាពលរដ្ឋផ្ទុះការតវ៉ានៅក្នុងវកំពុងក្ដុល ព្រះចៅអធិការមិនបានចេញមកបកស្រាយបំភ្លឺចំពោះមកប្រជាពលរដ្ឋឡើយ ដោយមានលោកតាអាចារ្យ ២នាក់ចេញមុខមករេរាំង និង ឲ្យប្រជាពលរដ្ឋផ្ដិតមេដៃ ដើម្បីយកទៅប្រគល់ឲ្យអនុគុណខណ្ឌដង្កោ៕ មានវីដេអូ៖ ប្រភព៖ BKKTv
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។