ព្រះសីហនុៈ សំណង់ខុសច្បាប់ដ៏រឹងមាំ សាងសង់រំលោភលើដីឆ្នេរសមុទ្រ របស់លោក តាំង សុខុម ថៅកែទិញលក់បង្គា ក្តាម ត្រីសមុទ្រតំបន់ ផ្លូវចូលកោះព្រាប ស្ថិតក្នុងភូមិ៣ សង្កាត់ លេខ១ ក្រុង.ខេត្តព្រះសីហនុ (ជាប់ផ្ទះពូចក់លក់បាយ) ត្រូវបានមន្រ្តីរដ្ឋបាលក្រុង សហការជាមួយមន្រ្តីរដ្ឋបាលខេត្តព្រះសីហនុ កំណត់ឲ្យធ្វើការរុះរើចេញវិញឲ្យអស់ ក្នុងរយៈពេល១៥ថ្ងៃ ជាកំណត់ដោយគ្មានការតវ៉ា ក្នុងករណី ម្ចាស់សំណង់មិនអនុវត្តន៏តាមរដ្ឋបាលខេត្ត នឹងមានវិធានការតាមផ្លូវច្បាប់។

លោក លីចិត្ត យម មន្រ្តី អន្តរៈវិស័យ សាលា​ខេត្ត ព្រះសីហនុ ដែលដឹកនាំ ក្រុមការ ងារ​ចុះធ្វើការហាមឃាត់សំណង់ខុសច្បាប់ខាងលើ បាននិយាយប្រាប់ឲ្យដឹងថា សំណង់នេះ មិនមាន ច្បាប់អនុញ្ញាតិទេ ហើយបើសិនជាសុំច្បាប់ក៏គ្មាន ច្បាប់ឯណាអនុញ្ញាតិនោះដែរ ពីព្រោះ ទីតាំងដែល សាងសង់នោះវាជាដីឆ្នេរសមុទ្រ ដូចនេះជា វិធានការជំហានដំបូង ក្រុមការងាររបស់លោក នឹងធ្វើកិច្ចសន្យា បញ្ឈប់ការសាងសង់ជាបន្ទាន់ ហើយតម្រូវឲ្យ ម្ចាស់សំណង់ ធ្វើការ រុះរើសំណង់របស់ខ្លូន (រូមមាន សំណង់ផៃថ្ម នឹងសំណង់ ដែលគ្រោងនឹងចាក់ បេតុង) ចេញវិញឲ្យអស់ ជាកំណត់រយៈ ពេល១៥ថ្ងៃ គឺចាប់គិតពីថ្ងៃចុះកិច្ចសន្យានេះ។ ក្នុងករណីម្ចាស់ សំណង់មិនអនុវត្តន៏តាម រដ្ឋបាល ខេត្តនឹងមានវិធានការតាមផ្លូវច្បាប់ មិនអាចរួចខ្លូនបានឡើយ។ ជាមួយនឹងការលើកឡើងនេះ ប្រជាពលរដ្ឋ ខេត្តព្រះសីហនុ ស្នើរសុំ ឲ្យមន្រ្តីថ្នាក់ដឹកនាំ រដ្ឋបាលខេត្ត មេត្តា ធ្វើការពិនិត្យ ឡើងវិញផង នូវភាពមិន ប្រក្រតីខាងលើនេះ ដើម្បីពង្រឹង ការអនុវត្តន៏ច្បាប់ ឲ្យមានប្រសិទ្ធិភាព ចៀសវាង មានការ រិះគន់ថា មន្រ្តីអនុវត្តន៏ច្បាប់ ធ្វើឲ្យតែរួចពីដៃ ប្រព្រឹត្តអំពើពុករលូយ បាត់បង់ភាពថ្លៃថ្នូរ ប្រជាពលរដ្ឋអស់ជំនឿ៕