ម្តាយចុងអប្រិយ វាយកូនដើម ស្ទើរស្លាប់ស្ទើររស់ និងប៉ង...(មានវីដេអូ)
យោងតាមគណនីហ្វេសបុកឈ្មោះ Soun Sela បានសរសេរថា “នាក់នៅផ្សារថៃ (ផ្សារឡុងកឿ) ជួយស៑ែរផង មិនដឹងកូនចៅនាក់ណាទេ ត្រូវបានជនមិនស្គាល់មុខ វាយធ្វើបាបនឹងច្របាច់.ក នៅថ្ងៃទី 16.09.2018 ជួយស៑ែរផង អោយសាច់ញាតិក្មេងបានដឹង”។
នាល្ងាចថ្ងៃទី ១៨ ខែកញ្ញា ឆ្នាំ ២០១៨ ខាងសមត្ថកិច្ចក៏បានធ្វើការឃាត់ខ្លួនជនសង្ស័យ ដែលត្រូវជាម្តាយចុងចិត្តអប្រិយ ដើម្បីធ្វើការសាកសួរ ហើយជនសង្ស័យក៏បានសារភាពថាខ្លួនពេញជាបានធ្វើបាបវាយទៅលើកុមារីខាងលើពិតប្រាកដមែន ព្រោះពេលថ្ងៃកើតហេតុគឺព្រោះតែខ្លួនបានឈ្លោះប្រកែកគ្នាជាមួយប្តី ស្រាប់តែកំពុងក្តៅចិត្តផង ពេលឃើញកូនស្រីដែលត្រូវជាកូនប្រពន្ធដើមរបស់ប្តីខ្លួន ក៏ចាប់វ៉ៃតែម្តងទៅ។ ស្ត្រីក្មេងរងគ្រោះមានឈ្មោះថា ណាត ស្រីម៉ី អាយុ៥ឆ្នាំ។ ចំណែកម្តាយចុងចិត្តខ្មៅ ឈ្មោះ លី ស្រីនីត អាយុ១៦ឆ្នាំ ជាកម្មករអូសរទេះ ស្នាក់នៅផ្សារក្នុងរុងក្លឿ ទឹកដីថៃ និងមានទីលំនៅភូមិព្រៃព្រិច សង្កាត់ប៉ោយប៉ែត ក្រុងប៉ោយប៉ែត ដែលបានវាយទៅលើកូនចុង បណ្តាលឲ្យជាំមុខជាច្រើនកន្លែង មានស្នាមរបួស.ក និងហើមបបូរមាត់ ។ ស្ត្រីឈ្មោះ យូ សុភី អាយុ២៤ឆ្នាំ ដែលជាម្តាយបង្កើតក្មេងស្រីរងគ្រោះ មានទីលំនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ត្រូវបានប្រាប់ថា នាងនិងកូនបានទៅស្នាក់នៅធ្វើការនៅខេត្តស្រះកែវ ។ ម្តាយឪពុករបស់នាងដែលធ្វើការនៅខេត្តស្រះកែវដែរ បានធ្វើដំណើមកច្រកទ្វារអន្តរជាតិប៉ោយប៉ែត-ខ្លងលឹក ដើម្បីបន្តប័ណ្ណឆ្លងដែនស្នាក់នៅបន្តលើទឹកដីថៃ ។នាងបន្តថា ឪពុកម្តាយនាងបានយកចៅ(កូនស្រីដែលរងគ្រោះ)មកជាមួយ លុះដល់ផ្សាររុងក្លឿ ជួបអតីតប្តីរបស់នាងដែលលែងលះគ្នា ឈ្មោះ សុខ ឆាយ ក៏បានសុំទុកកូនឲ្យនៅលេងជាមួយខ្លួនមួយរយៈ ។ ដឹងអី ក្រោយពីអតីតប្តី និងជាឪពុករវល់ទៅអូសរទេះ នាងប្រពន្ធចុងអប្រិយក៏បាននាំកូននាងទៅក្នុងព្រៃខាងក្រោយផ្សារឥណ្ទូចិន ក្បែរផ្សាររុងក្លឿ វាយធ្វើបាប រហូតមានស្នាមជាំពេញផ្ទៃមុខនិងជាំក ។ បញ្ហានេះ គេសង្ស័យនាងប្រពន្ធចុងប៉ុនប៉ងសម្លាប់បំបិទមាត់ តែសំណាងក្មេងស្រីនៅមានជីវិតក៏រត់ចេញពីព្រៃ ទើបត្រូវអាជីវករខ្មែរប្រទះឃើញ នាំគ្នាថតបង្ហោះតាមហ្វេសប៊ុកប្រកាសរកសាច់ញាតិ ។ បន្ទាប់មកក៏ដឹងដល់សមត្ថកិច្ចថៃធ្វើអន្តរាគមន៍ ហៅរថយន្តសង្គ្រោះដឹកក្មេងស្រីយកទៅព្យាបាលនៅមន្ទីរពេទ្យក្នុងស្រុកអារញ្ញ។ ចំណែកជីដូនក្មេងស្រីឈ្មោះ ស៊ី សុផា អាយុ៤៨ឆ្នាំ និយាយថា នារសៀលថ្ងៃទី១៦ ខែកញ្ញា គាត់ទទួលទូរស័ព្ទពីអតីតកូនប្រសាឈ្មោះ សុខ ឆាយ ដែលជាឪពុកថាបាត់កូន ។ ពេលនោះរូបគាត់និងប្តី ក៏បានប្តឹងទៅសមត្ថកិច្ចថៃឲ្យជួយស្វែងរក និងក្រោយមកត្រូវបានសន្តិសុខផ្សាររុងក្លឿប្រាប់ថា មានក្មេងស្រីម្នាក់ត្រូវបានដឹកទៅសង្គ្រោះនៅមន្ទីរពេទ្យ លុះគាត់និងប្តីទៅមើលក៏ដឹងថា ក្មេងស្រីរងគ្រោះនោះគឺជាចៅរបស់គាត់ ។ លោកវរសេនីយ៍ត្រី អោក សំណុក បញ្ជាក់ថា ស្ត្រីក្មេងជាម្តាយចុងរូបនេះ ត្រូវបានឃាត់ខ្លួនតាមបទបញ្ជារបស់លោកព្រះរាជអាជ្ញាអមសាលាដំបូងខេត្ត និងបានបញ្ជូនពីក្រុងប៉ោយប៉ែត ទៅស្នងការដ្ឋាននគរបាលខេត្តដើម្បីចាត់ការតាមនីតិវិធី ៕ ប្រភពវីដេអូ៖ Vat Chanta
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។