ខ្លាំងបាត់!!! កម្មករជនជាតិចិន វាយរដ្ឋមន្ត្រីអ៊ូហ្គាន់ដា មិនខ្លាចញញើតអីបន្តិច....(មានវីដេអូ) - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ខ្លាំងបាត់!!! កម្មករជនជាតិចិន វាយរដ្ឋមន្ត្រីអ៊ូហ្គាន់ដា មិនខ្លាចញញើតអីបន្តិច....(មានវីដេអូ)

វីដេអូប្រតាយប្រតប់ប្រមាណជាង ៣នាទី ត្រូវបានគេចែកចាយពាសពេញបណ្ដាញសង្គមក្នុងប្រទេសអ៊ូហ្គាន់ដា នាប៉ុន្មានថ្ងៃនេះ ព្រោះតែជនជាតិចិនហ៊ានវាយដល់រដ្ឋមន្ត្រីប្រចាំប្រទេស បង្កឲ្យមានការខឹងសម្បារពីប្រជាជនយ៉ាងខ្លាំង។

តាមរយៈវីដេអូថតបាន គេឃើញអ្នកកាសែតជាច្រើនបានចុះទៅយកព័ត៌មាន អំឡុងពេលរដ្ឋមន្ត្រីចុះទៅដល់កន្លែងស្នាក់នៅរបស់ជនជាតិចិនផ្ទាល់។ ពេលកាមេរ៉ារបស់អ្នកកាសែតកំពុងតែតម្រង់រង់ចាំថតសកម្មភាពរដ្ឋមន្ត្រី ស្រាប់តែឃើញជនជាតិចិនហក់ស្ទុះទៅវាយរដ្ឋមន្ត្រីក្នុងបន្ទប់ ធ្វើឲ្យកាមេរ៉ាចាប់បានសកម្មភាពស្ទើរទាំងស្រុង។ តាមប្រភពពីអ្នកកាសែតនៅកន្លែងកើតហេតុថា បុរសជនជាតិចិនចំនួន ២នាក់ បានវាយតបទៅលោករដ្ឋមន្ត្រី ទើបសន្តិសុខទាញចេញមកខាងក្រៅ។

តាមប្រភពចុះផ្សាយរបស់សារព័ត៌មាន African News បានរៀបរាប់ថា ជនជាតិចិនទាំង ២នាក់នេះជាកម្មករជីករុករករ៉ែខុសច្បាប់ និងមានបញ្ហារឿងធ្វើកិច្ចសន្យាជីករករ៉ែ តែគេមិនបញ្ជាក់លម្អិតស៊ីជម្រៅជាងនេះទេរវាងភាគីទាំងពីរ។ ក្រោមការអមដំណើរដោយមន្ត្រីរដ្ឋាភិបាល និងសន្តិសុខច្រើនរូប គេឃើញបុរសជនជាតិចិនទាំងនេះ ហាក់មិនខ្លាចរអាចំពោះរដ្ឋមន្ត្រីបន្តិចឡើយ រហូតមានវាយតបមួយសន្ទុះ និងមានកម្មករផ្សេងទៀតមកជួយ។

កងកម្លាំងសន្តិសុខម្នាក់ បានស្រែកទៅកាន់បុរសជនជាតិចិនពេលកំពុងប្រតាយប្រតបថា «ឈប់ភ្លាមៗ គាត់ជារដ្ឋមន្ត្រី កុំធ្វើអីផ្ដេសផ្ដាស ហេតុអ្វីបានវាយគាត់?» ក្រុមសន្តិសុខបានព្យាយាមចាប់ជនជាតិចិនបន្ថយកម្ដៅ រួចពួកគេក៏ចាប់ញាត់ចូលរថយន្ត Pick Up តែម្ដងដើម្បីយកទៅសាកសួរបន្ថែម។ ចំណែកអ្នកប្រើប្រាស់អ៊ីនធឺណិតបានសម្ដែងអារម្មណ៍ខឹងសម្បារចំពោះកម្មករជនជាតិចិនទាំងពីរនេះ ដែលធ្វើអាកប្បកិរិយាមិនសមរមចំពោះមន្ត្រីជាន់ខ្ពស់របស់ពួកគេ។ ហេតុការណ៍នេះកើតឡើងនៅថ្ងៃទី ១០ កញ្ញា ឆ្នាំ ២០១៨៕