បែបថ្នាំដល់កំរិត!!! ឈប់ម៉ូតូបបួលម្ចាស់ផ្ទះកាប់មួយស្មើ ដល់គេមិនតប កាប់បំផ្លាញ់ទ្រព្យសម្បត្ដិក្នុងផ្ទះគ្មានសល់ រួមទាំងឡានមួយគ្រឿងទៀត...
កណ្តាលៈ កាលពីថ្ងៃទី១៩ ខែកញ្ញា ឆ្នាំ២០១៨ ស្ថិតនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល។ សមត្ថកិច្ច ឃាត់ខ្លួនជនសង្ស័យម្នាក់ មានឈ្មោះ ឈុន ធារ៉ា ភេទប្រុស អាយុ២៥ឆ្នាំ ទីលំនៅ ភូមិសង្កាត់កើតហេតុ មុខរបរ មិនពិតប្រាកដ។ បានប្រើអំពើហិង្សាដោយចេតនា ទៅលើសំភារៈជនរងគ្រោះចំនួន២នាក់ រួមមានទី១មានឈ្មោះ ឃឹម សុភក្រា ភេទប្រុស អាយុ៣៤ឆ្នាំ មុខរបរមន្ត្រីក្រសួងផែនការ ទីលំនៅភូមិសង្កាត់កើតហេតុ។ សម្ភារៈខូចខាត រានទេវតា១.ទូកញ្ចក់ចំនួន២.ធុងទឹកកកចំនួន២. ភេសជ្ជៈចំនួន៥កេស និងសម្ភារៈប្រើប្រាស់មួយចំនួនទៀត។
ទី២.មានឈ្មោះសឿន សេងលី ភេទប្រុស អាយុ៤០ឆ្នាំ ទីលំនៅ ភូមិជ្រៃរយោងឃុំកណ្តោក ស្រុកកណ្តាលស្ទឹង ខេត្តកណ្តាល មុខរបរ រកស៊ីឡានដឹកដី។ សម្ភារៈខូចខាត រថយន្ត១គ្រឿងម៉ាក FORD RANGER ពណ៌ស ស៊េរីឆ្នាំ២០១៨ ស្លាកលេខ ភ្នំពេញ 2AX-4455 (បែកកញ្ចក់មុខ កំពិតដំបូលនិងគំរបម៉ាស៊ីន)។ ចំណែកវត្ថុតាងចាប់យកពីជនសង្ស័យ ម៉ូតូ១គ្រឿងម៉ាកDUKE ពណ៌ខ្មៅ លាយស ស្លាកលខភ្នំពេញ 1CU-6256 កាំបិតបុ័ងតោមួយ និងឥដ្ឋតាន់ចំនួន៣ដុំ។ នៅមុនពេលកើតហេតុ ជនរងគ្រោះទី១ កំពុងតែលក់ដូរនៅក្នុងផ្ទះរបស់ខ្លួនស្រាប់តែ ជនសង្ស័យបានជិះម៉ូតូមក ឈប់នៅជិតទីនោះក្នុងសភាពបែកថ្នាំ រួចហើយបានដើរកាន់កាំបិតបុ័ងតោ មកបបួលជនរងគ្រោះកាប់គ្នា តែជនរងគ្រោះមិនតប.តទេ ក៏ស្រាប់តែជនសង្ស័យ បានយកកាំបិតកាប់បំផ្លាញទ្រព្យសម្បត្តិ របស់ជនរងគ្រោះ។ ហើយបានដើរចេញមកដល់ផ្លូវវិញ បានឃើញរថយន្តរបស់ជនរងគ្រោះទី២ បើកមកដល់ភ្លាមជនសង្ស័យបានកាន់កាំបិតឈរកាក់មុខហើយ បានកាប់ទៅលើគំរបម៉ាស៊ីនឡាន១កាំបិត និងបានយកដុំឥដ្ឋតាន់គប់ បណ្តាលឲ្យរងកាខូចខាត ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។