ភ្នំពេញ៖ ប្ដីប្រពន្ធមួយគូរបានរៀបការត្រឹមត្រូវតាមប្រពៃណីរយៈពេលជាង១០ឆ្នាំមកហើយថែទាំងមានកូនប្រុសស្រី២នាក់ជាចំណងដៃ តែស្រាប់តែថ្មីនេះប្រពន្ធចុះចោលប្ដី រត់ទៅតាមប្រុសថ្មីចោលប្ដីនិងកូន ប្ដីតាមដានរហូតឃើញកំពុងដឹកគ្នាជាមួយប្រុសថ្មីនៅតាមផ្លូវ ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ កាលពីវេលាម៉ោង ៣ និង ៣០ នាទីរសៀល ថ្ងៃទី២០ ខែកញ្ញា ឆ្នាំ២០១៨ ។

បុរសជាប្ដីសុំមិនបញ្ចេញឈ្មោះ ។ ចំណែកប្រពន្ធឈ្មោះ នី ស៊ីណេត ភេទស្រីអាយុ៣១ ឆ្នាំមុខរបរ កម្មករកម្មការិនិរោងចក្រ ស្នាក់នៅភូមិទួលស្លែង សង្កាត់ពងទឹក ខណ្ឌដង្កោ ។ ដោយ ឡែកប្រុសសាហាយឈ្មោះ យឹម ចាន់វណ្ណះ ភេទប្រុសអាយុ៣២ ឆ្នាំស្នាក់នៅបុរីសន្ដិភាព២ សង្កាត់ចោមចៅ ១ ខណ្ឌពោធិ៍សែនជ័យ ។ បុរសជាប្ដីបាននិយាយរៀបរាបប្រាប់ថា ប្រពន្ធរបស់គាត់បានរៀបការពេញច្បាប់ត្រឹមត្រូវរយៈពេលជាង១០ ឆ្នាំមកហើយ ដែលបន្សល់នូវកូនប្រុសស្រី២នាក់ តែកន្លងមកថ្មីនេះប្រពន្ធរបស់គាត់បានមានទំនាក់ទំនងជាមួយប្រុសថ្មី (សាហាយ) ឈានដល់ការចុះចេញពីផ្ទះអស់របស់ពេល១០ថ្ងៃទើបគាត់(ប្ដី) និងឪពុកក្មេកដើររករហូតឃើញផ្ទាល់និងភ្នែកកំពុងឌុបគ្នាតាមផ្លូវភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ ក៏បាននាំទាំងប្រុសថ្មី និង ប្រពន្ធមកកាន់សាលាសង្កាត់ពងទឹកតែម្ដង ។ ជាចុងក្រោយពេលដែលប្ដីនាំមកដល់សាលាសង្កាត់ពងទឹកក៏បានលែងលះគ្នា ដោយភាគីខាងប្ដីបានទាមទាសំណងចំនួន៣ពាន់ដុល្លារ និងយកកូនទាំង២យកទៅចិញ្ចឹម ចំណែកខាងភាគីខាងប្រពន្ធឲ្យចុះចេញទៅដោយខ្លួនទទេ ដើម្បីទៅរួមរស់ជាមួយប្រុសថ្មី(សាហាយ)បន្ដ៕ ដោយៈ ភារ៉ា