ក្រសួងទេសចរណ៍ ចេញសេចក្តីណែនាំ ឲ្យអាជ្ងាធរ ការការពារសន្តិសុខ សុវត្ថិភាពភ្ញៀវទេសចរណ៍ ដែលមកកំសាន្តកម្ពុជា - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ក្រសួងទេសចរណ៍ ចេញសេចក្តីណែនាំ ឲ្យអាជ្ងាធរ ការការពារសន្តិសុខ សុវត្ថិភាពភ្ញៀវទេសចរណ៍ ដែលមកកំសាន្តកម្ពុជា

ភ្នំពេញ៖ ក្រសួងទេសចរណ៍កម្ពុជា បានចេញណែនាំមួយស្ដីពី”ការការពារសន្តិសុខ សុវត្ថិភាពភ្ញៀវទេសចរណ៍ ជាពិសេសភ្ញៀវទេសចរណ៍ចិន ដែលបានមកទស្សនាកម្សាន្តនៅព្រះរាជាណាចក្រកម្ពុជា។ សេចក្ដីណែនាំរបស់ក្រសួងទេសចរណ៍ បានឲ្យដឹង ថា ដើម្បីបង្ការ និងធានាសន្តិសុខ និងសុវត្ថិភាពភ្ញៀវទេសចរ ជាពិសេសភ្ញៀវទេសចរណ៍ជនជាតិចិន ក្រសួងទេសចរណ៍ ធ្វើការណែនាំដល់គ្រប់មន្ទីរទេសចរណ៍រាជធានី-ខេត្ត ខិតខំយកចិត្តទុកដាក់ខ្ពស់លើបញ្ហាសន្តិសុខ និងសុវត្ថិភាពភ្ញៀវទេសចរណ៍ ដែលមកទស្សនាកម្សាន្តនៅកម្ពុជា។

សូមរំលឹកថា លោកប៉ាក់ សុខុម រដ្ឋលេខាធិការ ក្រសួងទេសចរណ៍ បានថ្លែងថា ដើម្បីទាក់ទាញ់ភ្ញៀវទេសចរជនជាតិចិនឱ្យមកទស្សនាកម្ពុជា បានចំនួន២លាននាក់នៅឆ្នាំ២០២០ខាងមុខ មគ្គុទ្ទេសក៍ទេសចរណ៍ កម្ពុជានិយាយភាសារចិន គឺជាចំណែកមួយដ៏សំខាន់ និងមិនអាចខ្វះបាន។

ព្រឹកថ្ងៃសុក្រ ទី២៤ ខែសីហា ឆ្នាំ២០១៨ ក្រសួងទេសចរណ៍ជាមួយ និងវិទ្យាស្ថានភាសាចិនប៉េកាំងអន្តរជាតិ (Beijing International Chinese College) ដោយមានការគាំទ្រពីស្ថានទូតចិនប្រចាំកម្ពុជា និងក្រសួងពាណិជ្ជកម្មចិន បានរៀបចំពិធីបិទវគ្គបណ្តុះបណ្តាល ស្តីពី ការបណ្តុះបណ្តាលគ្រូបង្គោលមគ្គុទ្ទេសក៍ទេសចរណ៍សម្រាប់ទេសចរចិន ឆ្នាំ២០១៨ ក្រោម អធិបតីភាពលោក ប៉ាក់ សុខុម រដ្ឋលេខាធិការក្រសួងទេសចរណ៍ និងលោក Liu Yunan ជំនួយការនាយកវិទ្យាស្ថានភាសាចិនប៉េកាំងអន្តរជាតិ នៅសណ្ឋាគារអង្គរសេនជូរី ខេត្តសៀមរាប។ វគ្គបណ្តុះបណ្តាល ស្តីពី គ្រូបង្គោលមគ្គុទ្ទេសក៍ទេសចរណ៍កម្ពុជាសម្រាប់ទេសចរចិន ឆ្នាំ២០១៨ បានប្រព្រឹត្តទៅចាប់ពី ថ្ងៃទី ៨ ខែសីហាឆ្នាំ២០១៨ រហូតដល់ថ្ងៃទី ២៤ ខែសីហា ឆ្នាំ២០១៨ ដោយមានសិក្ខាកាមចូលរួមពីមន្ត្រីនៃក្រសួង មន្ទីរទេសចរណ៍រាជធានី-ខេត្ត មគ្គុទ្ទេសក៍ទេសចរណ៍ និងបុគ្គលិកពីវិស័យឯកជនផ្នែកទេសចរណ៍ចំនួន ៧៨នាក់ ដែលបង្រៀនដោយគ្រូបង្រៀនឯកទេស និងអ្នកជំនាញចិនផ្ទាល់។ វគ្គបណ្តុះបណ្ដាលនេះ បានផ្តល់ជាចំណេះដឹង និងបទពិសោធន៍បន្ថែមពីអន្តរជាតិ និងការចែករំលែកបទពិសោធន៍ការងារជាក់ស្តែងស្តីពីមគ្គុទ្ទេសក៍ទេសចរណ៍ រវាងកម្ពុជា និងចិន ពិសេសការពង្រឹងសមត្ថភាពពាក់ព័ន្ធនឹងមគ្គុទ្ទេសក៍ទេសចរណ៍របស់មន្ត្រី និងបុគ្គលិកកម្ពុជាសម្រាប់ទេសចរចិន ឆ្លើយតបទៅនឹងតម្រូវការទីផ្សារទេសចរចិន និងចូលរួមចំណែកក្នុងការអនុវត្តយុទ្ធសាស្ត្រ សៀវភៅ ស China Ready សម្រាប់ ទេសចរណ៍កម្ពុជា។ ក្នុងរយៈពេល ១៦ ថ្ងៃ នៃការបណ្តុះបណ្តាល សិក្ខាកាមបានសិក្សាពីភាសា និងវប្បធម៌ចិន របៀបដើម្បីកោតសរសើរបេតិកភ័ណ្ឌវប្បធម៌ គោលការណ៍សេវាកម្មមគ្គុទ្ទេសក៍ ទំនួលខុសត្រូវរបស់មគ្គុទ្ទេសក៏ទេសចរណ៍ ក្រមសីលធម៌ និងវិន័យមគ្គុទ្ទេសក៏ ការចែករំលែកបទពិសោធន៍ និង បានធ្វើតេស្តសមត្ថភាពនៅចុងវគ្គសិក្សា និងទទួលបាន បេក្ខជនចំនួន ៦នាក់ត្រូវបានជ្រើសរើសទៅសិក្សា និងផ្លាស់ប្តូរបទពិសោធន៍បន្តនៅទីក្រុងបេកាំង ឆ្នាំ២០១៩។ ក្រសួងទេសចរណ៍ និងវិទ្យាស្ថានភាសាចិនប៉េកាំងអន្តរជាតិនឹងបន្តកិច្ចសហប្រតិបត្តិការក្នុងការបណ្តុះបណ្តាលធនធានមនុស្សក្នុងវិស័យទេសចរណ៍ជាបន្តបន្ទាប់ទៀត។ សូមជម្រាបថា នៅឆ្នាំ២០១៧ កន្លងមក ក្នុងចំណោមទេសចរអន្តរជាតិមកកម្ពុជា ចំនួន ៥,៦លាន នាក់ មានភ្ញៀវទេសចរចិនចំនួនជាង ១,២លាន នាក់ កើនឡើង ៤៦% ឈរនៅលំដាប់ទី១ ហើយក្នុងរយៈពេល ៦ខែដំបូងនៃឆ្នាំ ២០១៨នេះ កម្ពុជាទទួលទេសចរចិនចំនួនជាង ៩៣ម៉ឹននាក់ កើន ៧៦% និងមានចំណែកទីផ្សារប្រមាណ ៣១% នៃទេសចរអន្តរជាតិរបស់កម្ពុជា។ មគ្គុទ្ទេសក៍ទេសចរណ៍ភាសាចិន មានចំនួន ១០៤៦នាក់ ក្នុងនោះខេត្តសៀមរាបមាន ៨៥១នាក់។ លោក ប៉ាក់ សុខុម រដ្ឋលេខាធិការក្រសួងទេសចរណ៍បានមានប្រសាសន៍ថា បច្ចុប្បន្ននេះទីផ្សារទេសចរចិនមានកំណើនយ៉ាងខ្លាំងនៅលើពិភពលោក នៅឆ្នាំ២០២០អ្នកទេសចរចិន នឹងចេញក្រៅប្រមាណ២០០លាននាក់ ឬ ច្រើនជាងនេះ ហើយការចំណាយរបស់អ្នកទេសចរចិនទាំងនោះមានប្រមាណ ៤២០ប៊ីលាន ដុល្លារអាម៉េរិក។ នៅឆ្នាំ២០៣០អ្នកទេសចរចិន នឹងចេញដើរកម្សាន្តនៅលើពិភពលោក ប្រមាណ៣០០លាននាក់ទៅ៥០០លាននាក់ ហើយការចំណាយកើនដល់ប្រមាណ៨៥០ប៊ីលានដុល្លារអាម៉េរិក។ ដូច្នេះកម្ពុជាត្រូវតែទាញយកអ្នកទេសចរចិន និងចំណូលពីអ្នកទេសចរចិនឱ្យបានច្រើន។ លោកបានបញ្ជាក់ថា ដើម្បីទាក់ទាញ់ភ្ញៀវទេសចរជនជាតិចិនឱ្យមកទស្សនាកម្ពុជាឱ្យបានច្រើនជាពិសេសតាមផែនកម្ពុជា និងទទួលបានចំនួន២លាននាក់នៅឆ្នាំ២០២០នោះ មគ្គុទ្ទេសក៍ទេសចរណ៍កម្ពុជានិយាយភាសារចិន គឺជាចំណែកមួយដ៏សំខាន់ និងមិនអាចខ្វះបាន ព្រោះថា បើយើងមានមគ្គុទ្ទេសក៍ទេសចរណ៍កម្ពុជានិយាយភាសារចិន ច្រើនផ្តល់សេវា កម្មនេះគ្រប់គ្រាន់ អ្នកទេសចរនឹងមកកម្ពុជាច្រើន ព្រោះថា កម្ពុជាមានសក្តានុពលទេសចរណ៍ ទាំងបែបប្រវត្តិសាស្ត្រ ធម្មជាតិ និងបេតិកភណ្ឌ។ លោក Liu Yunan ជំនួយការនាយកវិទ្យាស្ថានភាសាចិនប៉េកាំងអន្តរជាតិ បានឱ្យដឹងថា វគ្គបណ្តុះបណ្តានេះ នឹងផ្តល់ជាចំណេះដឹង និងបទ ពិសោធន៍បន្ថែមពីអន្តរជាតិនិងការចែករំលែកបទពិសោធន៍ ការងារជាក់ស្តែងស្តីពីមគ្គុទ្ទេសក៍ទេសចរណ៍រវាងកម្ពុជា និងចិន ពិសេសការពង្រឹងសមត្ថភាពពាក់ព័ន្ធ នឹងមគ្គុទ្ទេសក៍ទេស ចរណ៍របស់មន្ត្រី និងបុគ្គលិកកម្ពុជាសម្រាប់ទេសចរចិន ឆ្លើយតបទៅនឹងយុទ្ធសាស្ត្រទាក់ ទាញទេសចរចិន សៀវភៅ ស China Ready សម្រាប់ ទេសចរណ៍កម្ពុជា។ លោក Liu Yunan បានគូសបញ្ជាក់ទៀតថា ដោយសារទំនាក់ទំនងល្អរវាងកម្ពុជា និងចិន ខាងភាគីចិន និងជួយជំរុញអ្នកទេសចររបស់ខ្លួនឱ្យមកទស្សនាកម្ពុជាឱ្យបានច្រើន៕