នៅមុខល្អធ្វើឯងល្អត្រឹមត្រូវ តែនៅក្រោយខ្នងវិញស្អុយរលួយ...ក្រោយពីចាប់ផ្សឹករួច សមត្ថកិច្ចប្រញាប់បញ្ជូនចៅអធិការវត្តក្តុល ទៅមណ្ឌលបន្សាបគ្រឿងញៀន
ភ្នំពេញ ៖ កាលពីពេលថ្មីៗនេះ ព្រះចៅអធិការវត្តកំពង់ក្តុល ដែលលបលួចមានស្រីញី រហូតដល់មានកូនម្នាក់ ហើយត្រូវបានប្រជាពលរដ្ឋនៅជិតវត្តបានឃើញផ្ទាល់ភ្នែក បាននាំគ្នាតវ៉ាផ្សឹកអតីតព្រះចៅអធិការ ដែលនាំឲ្យខូចដល់ព្រះពុទ្ធសាសនា។
ក្រោយពីផ្សឹករួច កម្លាំងសមត្ថកិច្ចផ្នែកគ្រឿងញៀន ខណ្ឌដង្កោ កាលពីព្រឹកថ្ងៃទី១៩ ខែកញ្ញា ឆ្នាំ២០១៨ បានបញ្ជូនខ្លួនអតីតព្រះចៅ អធិការវត្តកំពង់ក្តុល មាជ សុវណ្ណ បណ្តេញចេញពីវត្ត ទៅអយ្យការអមសាលាដំបូងរាជធានីភ្នំពេញ ពាក់ព័ន្ធករណីប្រើប្រាស់ ដោយខុសច្បាប់ នូវសារធាតុញៀន ក្រោយពីពិនិត្យទឹកនោមឃើញ មានសារធាតុញៀន។ នៅចំពោះមុខសមត្ថកិច្ច ព្រះចៅអធិការវត្តកំពងក្តុល មាជ សុវណ្ណ បានមានសង្ឃដីកាសារភាពថា ព្រះអង្គពិតជាបានប្រព្រឹត្តនូវទង្វើបែបនេះមែន ហើយព្រះអង្គក៏សុំទោសដល់ពុទ្ធបរិស័ទទាំងអស់ ដោយព្រះអង្គសម្រេចសឹកលាចាក សិក្ខាបទពីព្រះពុទ្ធសាសនា ទៅរស់នៅធម្មតាដូចពលរដ្ឋទូរទៅវិញ។ លោកវរសេនីយ៍ឯក ជឹម ស៊ីថា អធិការខណ្ឌដង្កោបានបញ្ជាក់ទៀតថា ទោះបីយ៉ាងណាក៏ដោយ សមត្ថកិច្ចនៅតែសម្រេចឃាត់ខ្លួនបុគ្គល មាជ សុវណ្ណ នេះបញ្ជូនទៅកាន់អធិការដ្ឋាននគរបាលខណ្ឌដង្កោ ដើម្បីកសាងសំណុំរឿង បញ្ជូនទៅតុលាការបន្តនីតិវិធីតាមផ្លូវច្បាប់ ក្រោយពីពិនិត្យឃើញថា បុគ្គលនេះពាក់ព័ន្ធនឹងបទល្មើស ប្រើប្រាស់ដោយខុសច្បាប់នូវសារធាតុញៀន៕ ដោយ៖ ភារ៉ា
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។