រដ្ឋបាលខេត្តព្រះសីហនុ ធ្វើការបំភ្លឺជូនសារធារណជន ជុំវិញបញ្ហា លោក យន្ត មីន ចែកដីជូនអ្នកកាសែត ថា...
-

បន្ទាប់ពីមានរឿងអាស្រូវផ្ទុះឡើង របស់លោក អភិបា​​​​​​​​​​​ល​​​​​​​​​​​​​​​​​​ខេត្ត​ព្រះសីហនុ យន្ត​ មីន ថាមានចែក​​​​​​​​​​​​ដី​ឲ្យ​អ្នក​​​​​​​​​​​​​​​​កាសែត​មួយ​​​​​​​​​​​​​​​​​​​ចំនួន​ស្ងាត់ៗ​​​​​​​​​​​​​​​​​​​​​​ ក្នុងពេលដែល​ គេ​រិះគន់ថា ការចែក​ដី​ឲ្យ​អ្នកកា​​​​​​​​​​​សែត​នោះ​​​​​​​​​​​​​​​​​​​​គឺ​ដើម្បី​កុំ​ ឲ្យ​សរ​​​​​​​​​​​​​​​​​​​​សេរ​ព័ត៌​​​​​​​​​​​​​​​​​​​​​​​​​​​មាន​មិន​ប្រក្រតី​ មួ​​​​​​​​​​​យចំនួន​​​​​​​​​​​​​​នៅក្នុង​​​​​​​​​​​​​​​​​​​​​​​​​​​​ខេត្ត​នេះ ព្រោះ​ខេត្ត​ជាប់​​​​​​​​​​​​​​​មាត់ សមុទ្រ​នេះ ​កំពុ​​​ង​ផ្ទុះ​រឿងអាស្រូវ ​ដី​​​​​​​​​​​​​ធ្លីជាច្រើនកន្លងមក ។​

កាលពីពេលថ្មីៗនេះ រដ្ឋបាលខេត្តព្រះសីហនុ ក៏បានចេញសេចក្តីប្រកាសព័ត៏មានថា៖ រដ្ឋបាលខេត្តព្រះសីហនុ សូមគោរពជម្រាបជូន ឯកឧត្តម លោកជំទាវ លោក លោកស្រីសាធារណជន និងអ្នកសារព័ត៏មានឲ្យបានជ្រាបថា៖ ថ្មីៗកន្លងទៅនេះ មានបណ្តាលសារព័ត៏មានក្នុងស្រុកមួយចំនួនបានចុះផ្សាយព័ត៏មាន ដែលមានខ្លឹមសារថា លោក យន្ត មីន បានចែកដីឲ្យអ្នកកាសែត ដើម្បីជាថ្នូរមិនចុះផ្សាយរឿងអាស្រូវឬបិទមាត់។ ជុំវិញបញ្ហានេះ រដ្ឋបាលខេត្តព្រះសីហនុ សុំធ្វើការបំភ្លឺជូនសារធារណមតិឲ្យបានជ្រាបថា៖ ក្នុងរយៈកាលកន្លងមករដ្ឋបាលខេត្តពិតជាបានផ្តល់ដីគោលនយោបាយមានទំហំទទឹង ៥ម៉ែត្រ បណ្តោយ២០ម៉ែត្រ ជូនចំពោះប្រជាពលរដ្ឋទាំងឡាយណាដែលមានការជាប់ពាក់ព័ន្ធ និងមានការកាន់កាប់ អាស្រ័យផលជាក់ស្តែងនៅតំបន់ក្បាលឆាយ ដើម្បីសាងសង់លំនៅដ្ឋាន រស់នៅពិតប្រាកដមែន។ ចំពោះការបែងចែកនេះគឺមានគោលដៅប្រមូលផ្តុំការរស់នៅរបស់បពូកគាត់ និងដើម្បីទប់ស្កាត់ការទន្រ្ទានចូលកាន់កាប់ដោយអនាធិបតេយ្យ នៅក្នុងតំបន់ ប្រើប្រាស់ច្រើនយ៉ាងព្រែក ទឹកសាបក្បាលឆាយ ស្របតាមអនុក្រឹត្យលេខ ១១៦ អនក្រ.បក របស់រាជរដ្ឋាភិបាលដែឡបានកំណត់រក្សាការពារទុកជាប្រភពទឹកស្អាតសម្រាប់ប្រើប្រាស់នៅក្នុងខេត្ត ហើយការផ្តល់ជូននេះទៀតសោតមិនមានការរើសអើង ប្រកាន់បក្ខពួក និន្ទាការ ឬប្រកាន់ថាជា ប្រជាពលរដ្ឋធម្មតា គ្រួសារមន្រ្តី គ្រួសារកងកម្លាំង ឬអ្នកសារព័ត៏មានឡើយ។ ពិតណាស់នៅក្នុងចំណោមអ្នកដែលទទួលបានគោលនយោបាយទាំងនោះគឺពិតជាមានក្រុមគ្រួសារអ្នកសារព័ត៏មានមួយចំនួន នៅក្នុងខេត្តព្រះសីហនុ ដែលកន្លងមកមានការពាក់ព័ន្ធកាន់កាប់អាស្រ័យផលជាក់ស្តែងដូចបានជម្រាបជូនខាងលើ។ អាស្រ័យដូចបានជម្រាបជូនខាងលើនេះ សូម ឯកឧត្តម លោកជំទាវ លោក លោកស្រី សាធារណជន និងអ្នកសារព័ត៏មានទាំងអស់ មេត្តាជ្រាបជាព័ត៏មាន៕