ក្រុមហ៊ុនចិនអនាធិបតេយ្យ២កន្លែង នៅកោះពេជ្យ ដែលរកសុីមិនមានអាជ្ញាបណ្ណ ត្រូវសមត្ថកិច្ចបញ្ជាឲ្យបិតទ្វា

ភ្នំពេញៈ កាលពីរសៀលថ្ងៃទី១៣ ខែកញ្ញា ឆ្នាំ២០១៨ ទីតាំងមួយទៀតមានឈ្មោះ Hui Shang International Remittances ដែលស្ថិតនៅផ្ទះលេខ S-59 ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ អាជ្ញាធរជំនាញ និងសមត្ថកិច្ចចម្រុះ រួមមានក្រុមការងារធនាគារជាតិនៃកម្ពុជា គណៈកម្មការមូលបត្រកម្ពុជា និង កម្លាំងនគរបាលជាតិនៃនាយកដ្ឋានកណ្ដាលសន្តិសុខក្រសួងមហាផ្ទៃ ត្រួតពិនិត្យទីតាំងក្រុមហ៊ុនមួយឈ្មោះ BIQUAN TECHNOLOGY (ប៊ីឈាន តិចណូឡូជី) ស្ថិតនៅផ្ទះលេខ S-58 ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

ក្រោយបញ្ចប់ការត្រួតពិនិត្យ នៅថ្ងៃទី១៩ ខែកញ្ញា ឆ្នាំ២០១៨ អាជ្ញាធរចម្រុះ សម្រេចផ្អាកសកម្មភាពក្រុមហ៊ុនចិន ២កន្លែង នៅកោះពេជ្រ ដែលអត់ច្បាប់ប្រតិបត្តិការអាជីវកម្មលើសេវាកម្មផ្ញើ វេប្រាក់ ប្តូរប្រាក់ ក៏ ដូចជាប្រមែប្រមូល ប្រាក់ពីអតិធិជន ក្នុងការជួញដូរកាសអេលិចត្រូនិក (digitalasset/cryptocurrency)។

ការចុះត្រួតពិនិត្យនេះ គឺ យោងតាមសេចក្តីថ្លែងការណ៍រួម រវាងធនាគារជាតិនៃកម្ពុជា គណៈកម្មការមូលបត្រកម្ពុជា និង អគ្គស្នងការនគរបាលជាតិ ចុះថ្ងៃទី១១ ខែឧសភា ឆ្នាំ២០១៨ ស្តីពីការទប់ស្កាត់បទល្មើសហិរញវត្ថុ និង ការចរាចរខុសច្បាប់ កាស់អេលិចត្រូនិក ៕