ឱសថធម្មជាតិសម្រាប់ព្យាបាលជំងឺរលាកប្លោកនោមរ៉ាំរ៉ៃ
ណារ៉ា
-

អ្វីជាជំងឺរលាកប្លោកនោម ហើយមានអាការៈបែបណា?

ជំងឺរលាកប្លោកនោមភាគច្រើនបង្កឡើងដោយមេរោគម៉្យាងឈ្មោះ ECOLI ។ កាលណាមេរោគនេះចូលទៅផ្នែកខាងក្នុងនៃប្លោកនោមបង្កឱ្យរលាកក្រហល់ក្រហាយពេលនោមម្ដងៗ។ មេរោគ ECOLI ជាមូលហេតុបង្កឱ្យកើតជំងឺរលាកពី ៧០ ទៅ ៨០ភាគរយ។ មេរោគនេះជ្រៀតចូលទៅក្នុងតម្រងនោមតាមរយៈទ្វារមាសរបស់ស្រ្ដី និងប្រដាប់បន្ដពូជរបស់បុរស។ មេរោគ ECOLI ច្រើនរស់នៅក្នុងពោះវៀនធំរបស់មនុស្ស កាលណាលោកអ្នកបន្ទោបង់ មេរោគនេះជាប់មកជាមួយលាមក បើមិនបានលាងសម្អាតឱ្យបានស្អាតទេ មេរោគនេះនឹងចូលទៅទ្វារមាសស្រ្ដីបង្កឱ្យកើតជំងឺរលាកប្លោកនោមតែម្ដង។ ជំងឺរលាកប្លោកនោមតែងកើតមានចំពោះស្រ្ដីច្រើនជាងបុរស ព្រោះផ្លូវលាមកនិងទ្វារមាសរបស់ស្រ្ដីនៅជិតគ្នា។



អាការៈនៃជំងឺរលាកប្លោកនោមមានដូចជា នោមញឹក នោមឈឺ នោមតឹង នោមក្រហាយ នោមផ្សា។ ក្នុងដំណាក់កាលធ្ងន់ធ្ងរអាចបណ្ដាលឱ្យមានឈាមពេលនោម ។

ខាងក្រោមនេះជារូបមន្តធម្មជាតិសម្រាប់ជំងឺរលាកប្លោកនោមរ៉ាំរ៉ៃ

ព្យាបាលជំងឺ៖ រលាកប្លោកនោមរ៉ាំរ៉ៃ


ប្រភេទរុក្ខជាតិ ៖ ដើមរកា




វិធីធ្វើ និងវិធីប្រើប្រាស់៖

-គ្រាប់ៗ បុកបំបែក រួចដាំទឹកផឹកកម្រិត ១០-២០ ក្រាម ក្នុង១ថ្ងៃ។


*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

ប្រភពអត្ថបទដោយ៖ អ៊ាង សុផល្លែត