ចាប់បានបណ្តោយ...ស្រ្តីម្នាក់កំពុងធ្វើដំណើរតាមផ្លូវ ស្រាប់តែលេចមុខជនសង្ស័យពីរនាក់ ធ្វើសកម្មភាពឆក់ទូរស័ព្ទដៃពីស្ត្រីម្នាក់បានសម្រេច តែសំណាងមិនល្អ ត្រូវស្រ្តីនោះជិះម៉ូតូដេញតាម ស្រែកថាចោរៗ ហើយក៏...

ភ្នំពេញ ៖ កាលពីព្រឹកថ្ងៃទី២៧ ខែកញ្ញា ឆ្នាំ២០១៨ ជនសង្ស័យ២នាក់ ធ្វើសកម្មភាពឆក់ទូរស័ព្ទដៃពីស្ត្រីម្នាក់បានសម្រេច រួចព្យាយាមរត់គេចខ្លួន តែត្រូវបានស្ត្រីជាម្ចាស់ជិះម៉ូតូដេញតាមស្រែកថាចោៗស្របពេលផ្លូវស្ទះចរាចរណ៏ ក៏ចាប់បានតែម្តងស្ថិតនៅតាមផ្លូវព្រះមុន្នីរ៉េត សង្កាត់ស្ទឹងមានជ័យ២ ខណ្ឌមានជ័យ ។

ជនសង្ស័យទាំង២នាក់ ទី១. ឈ្មោះសាទចាន់ដារ៉ូអាយុ២០ឆ្នាំមុខរបរជាងក្រឡឹងស្នាក់នៅសង្កាត់ទឹកល្អក់១ខណ្ឌទួលគោក។ចំណែក ជនសង្ស័យទី២. ឈ្មោះស៊ិនស៊ីអិតអាយុ១៦ឆ្នាំមុខរបរជាងក្រឡឹង។ រីឯ ស្ត្រីរងគ្រោះឈ្មោះ ព. ច.ណ.រ.អាយុ៣២ឆ្នាំមុខរបរគ្រូបង្រៀន។

ជនរងគ្រោះបានប្រាប់ឲ្យដឹងថា ខណៈពេលកំពុងធ្វើដំណើរតាមផ្លូវ ស្រាប់លេចមុខជនសង្ស័យពីរនាក់ មកធ្វើសកម្មភាពឆក់ទូរស័ព្ទដៃពីស្ត្រីម្នាក់បានសម្រេចរួចព្យាយាមរត់គេចខ្លួន តែត្រូវបានស្ត្រីជាម្ចាស់ជិះម៉ូតូដេញតាមស្រែកថាចោៗស្របពេលផ្លូវស្ទះចរាចរណ៏ធ្វើឱ្យជនសង្ស័យទៅណាមិនរួចត្រូវប្រជាពជាពលរដ្ឋដែលធ្វើដំណើរនៅក្បែរនាំគ្នាជួយចាប់រួចប្រគល់ឲ្យអាវុធហត្ថខណ្ឌមានជ័យ។

បច្ចុប្បន្នជនសង្ស័យទាំង២នាក់ខាងលើ រួមនិងម៉ូតូ ត្រូវបានបញ្ជូនទៅកាន់ទីបញ្ជាការកងរាជអាវុធហត្ថរាជធានីភ្នំពេញដើម្បីឃាត់ខ្លួនបណ្តោះអាសន្ននិងកសាងសំណុំរឿងបញ្ជូនទៅតុលាការចាត់ការតាមនីតិវិធី៕