ខេត្តកំពង់ឆ្នាំង ៖ មួយវត្តទៀតហើយ ដែលកំពុងដង្ហោយហៅ ពុទ្ធបរិស័ទជិតឆ្ងាយ រួមកាន់បិណ្ឌក្នុងវត្តក្រឡាញ់ចាស់ ដើម្បីផ្គត់ផ្គង់ព្រះសង្ឃនៅក្នុងទីអារាមនោះ។
យ៉ាងណាមិញព្រះភិក្ខុ ម៉ុច សៅលី ព្រះចៅអធិការវត្តក្រឡាញ់ចាស់ នៅព្រឹកថ្ងៃទី២៧ ខែកញ្ញា ឆ្នាំ២០១៨នេះ បែរជាបានដង្ហើយហៅពុទ្ធបរិស័ទ្ធយកចង្ហាន់ទោវត្ត គឺវត្តក្រឡាញ់ចាស់ ស្ថិតនៅភូមិស្រងាំទេ ឃុំប្រស្និប ស្រុករលាប្អៀរ ខេត្តកំពង់ឆ្នាំង ដែលមកទល់ពេលនេះហើយ មិនទាន់មានពុទ្ធបរិស័ទយកចង្ហាន់ទៅប្រគេនគ្រប់វេននៅឡើយទេ។
ព្រះតេជគុណបានមានសង្ឃដីការបញ្ជាក់ថា «អាត្មាភាពមិនចង់បាន ម្ហូបអាហារបបូរអីទេ សុំត្រឹមតែមានវេនដូចវត្តគេផ្សេងៗ ទៅគ្រប់គ្រាន់ហើយ តែនេះអត់ទាំងវេនគ្រប់ទៀត ញាតិញោម មានសទ្ធាជ្រះថ្លា ចង់មកកាន់បិណ្ឌអាចទំនាក់ទំនងលេខទូរស័ព្ទអាត្មាភាព 015 896 999 ,097 55 08 097»។
គួរបញ្ជាក់ផងដែរថា បុណ្យភ្ជុំបិណ្ឌជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា។
ដោយ៖ភារ៉ា