ភ្នំពេញ៖ នាថ្ងៃទី១៥ ខែតុលា ឆ្នាំ២០១៨ នេះ គឺជាថ្ងៃដែលកូនខ្មែរគ្រប់រូបចងចាំមិនអាចបំភ្លេចបាន បន្ទាប់ពីព្រះវររាជបិតាឯករាជ្យជាតិខ្មែរ សម្តេចព្រះនរោត្តម សីហនុ បានយាងសោយទិវង្គតចាកឆ្ងាយ ពីកូនខ្មែរគ្រប់រូប ដោយគ្មានថ្ងៃត្រលប់មកវិញជារៀងរហូត ដែលខណៈពេលនេះ គឺរយៈពេល៦ឆ្នាំហើយ។
ក្នុងថ្ងៃរំលឹកទុក្ខសោក ក៏ក្រៀមក្រំមួយនេះ កូនខ្មែរ ក៏ដូចជាសិល្បៈករ សិល្បៈការិនីគ្រប់រូប នៅតែចង់ចាំវត្តមានដ៏ខ្ពង់ខ្ពស់ របស់ព្រះវររាជបិតា ស្នាមញញឹម របស់លោកជាប់នៅក្នុងចិត្តកូនចៅ គ្រប់ៗគ្នា។
បើងាកមកអ្នកសិល្បៈជាច្រើន ក៏បានបង្ហាញពីអារម្មណ៍សោកសៅ តាមរយៈការបង្ហោះសារ និងរូបភាពនៅក្នុងបណ្តាញសង្គម របស់ខ្លួនផងដែរ។
កូនខ្មែរទាំងអស់ ក៏សូមថ្វាយព្រះរាជមហាកុសល ព្រះវិញ្ញាណក្ខន្ធ ព្រះករុណា ព្រះបាទ សម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី ឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុតផងដែរ៕
