កញ្ញា ឌី លីកា បានក្លាយជាតំណាងបរវកញ្ញាកម្ពុជា ដើម្បីធ្វើការប្រកួត Miss Grand International នៅលើទឹកដីប្រទេសមីយ៉ាម៉ា នៅក្នុងនោះដែរ មានបងប្អូនខ្មែរយើងជាច្រើន កំពុងតែចូលរួមបោះឆ្នោត ឲ្យបវរកញ្ញាដែលជាតំណាងប្រទេសរបស់ខ្លួនយើងភ្លុកទឹកភ្លុកដី។ ជាពិសសឈុតប្រពៃណី កាន់តែស្រស់ស្អាត ធ្វើឲ្យអ្នកលេងបណ្តាញសង្គមហ្វេសប៊ុក មានការសរសើរមិនដាច់ពីមាត់ ពីសម្រស់របស់កញ្ញា។
ដោយឡែកលទ្ធផលជាបណ្តោះអាសន្នគិតត្រឹមម៉ោង៥ៈ១០នាទី ថ្ងៃទី១៥ ខែតុលា ឆ្នាំ២០១៨ ជាលទ្ធផលនៅខាងប៉ែកអាសុី ឈុតរបស់កម្ពុជា បាននាំមុខវៀតណាម ដោយទទួលបានពិន្ទុគាំទ្រ 21.500.350 ពិន្ទុ និងវៀតណាមទទួលបាន 20.600.405 ពិន្ទុ បើគិតត្រឹមម៉ោង៥ៈ១០នាទី (ម៉ោងនៅភូមា) ថ្ងៃទី១៥ ខែតុលា។
គួរបញ្ជាក់ផងដែរថាកម្មវិធីប្រកួតសម្រស់កញ្ញាឯក Miss Grand International 2018 កំពុងតែដំណើរការឡើងនៅប្រទេសមីយ៉ាន់ម៉ា ដោយខណៈនេះ ការប្រកួតប្រជែងជ្រើសរើសយកឈុតតំណាងជាតិចំនួន២០ ដែលស្រស់ស្អាតជាងគេ។ ចំពោះលទ្ធផលផ្លូវការ អាចនឹងចេញនៅពេលឆាប់ៗខាងមុននេះ លើទំព័រ Facebook របស់ Miss Grand International៕
