មានហេតុការភ្ញាក់ផ្អើលនិងរន្ធត់ចិត្តជាខ្លាំង ក្រោយពេលមានការចែកចាយតៗគ្នា លើបណ្ដាញហ្វេសប៊ុក ពីករណីមួយដែលឪពុកម្ដាយបណ្ដោយឲ្យកូនលេងរបស់តូចៗ តែបង្កទៅជាគ្រោះថ្នាក់ឆ្លាក់ចូលទៅក្នុងបំពង់ក ស្ទើរតែមិនរួចជីវិត។ ជាក់ស្ដែងគណនីហ្វេសប៊ុកដែលមានឈ្មោះថា ប៉ូច លីន ត្រូវជាអាណាព្យាបាលរបស់ក្មេងផ្ទាល់បានរៀបរាប់ទាំងតក់ស្លុតថា "ត្រឹមតែ1វិនាទីស្ទើបាត់បង់មនុស្សជាទីស្រលាញ់ កូនមាស ម្តាយ កូនមាសឪពុក ជីវិតកូនថ្លៃ ដែលអាចបាននៅមានជីវិតរស់ សុំកុំធ្វេសប្រហែសអោយសោះ ពាក្យថាក្មេងគឺរពិសណាស់ ប្រាប់វាមិនចេះស្តាប់សំដីយើងទេ ទោះធំប៉ុនណាក៏ដោយដូចជាខ្ញុំជាគំរូស្រាប់ ឃើញកូនលេង របស់គ្រោះថ្នាក់ហើយ ក៏យកចេញពីវា ហើយវាយំខឹងក៏អោយវាលេងទៀត តែលទ្ធផលចុងក្រោយ កូនក៏ឆ្លាក់និយាយលែងចេញ រត់រកពេទ្យ ពេទ្យក៏ដេញអោយទៅពេទ្យធំ ជិះតាំងពីស្អាង ទៅដល់តាខ្មៅយកចូលពេទ្យទៀត ពេទ្យដេញអោយទៅពេទ្យជ័យជំនះ ជាបន្ទាន់ព្រោះកូនហូរឈាមតាមច្រមុះហើយ ភ័យស្ទើគាំងបេះដូងហើយ ពេលទៅដល់ពេទ្យ អត់មានអ្នកនៅយាមទេ ពេទ្យក៏ដេញអោយទៅ ពេទ្យអង្គឌួលទៅ ព្រះអើយវាមិនជិតទេ ឆ្ងាយណាស់ទំរាំទៅដល់មិនដឹងយូរប៉ុណ្ណា។
ជិះទៅតាមផ្លូវចូលពេទ្យតាខ្មៅផ្សេងទៀត គេមើលហើយក៏ដេញអោយទៅពេទ្យអង្គឌួងទៀតទៅអោយលឿនបំផុត តាមលទ្ធភាពដែលអាចធ្វើទៅបានជិះទៅបណ្តើរយំបណ្តើរ និយាយលួងកូនបណ្តើរ កុំអោយកូនយំនិយាយជាមួយកូនសុខៗកូនប្រាប់ថា ម៉ាក់កូនងងុយគេងណាស់លឺកូននិយាយចឹងរឹតតែយំប្រឹងលួងកូននិយាយបន្លប់ កូនកុំអោយកូនដេក ជិះយូរទៅឆ្ងាយទៅៗ ផ្លូវក៏ស្ទះ ទោះមានលុយច្រើនប៉ុណ្ណាក៏ដោយក៏មិនអាច អោយគេជៀសផ្លូវយើងដែល សុំបើកផ្លូវក៏គ្មាននណាបើកអោយដែលជិះផុតមួយដំណាចូលមួយដំណាក់ ស្ទះក៏ស្ទះ បន់អស់ ជីដូនជីតា ជាពិសេសបន់ប៉ាអោយជួយចៅផងកុំអោយមានរឿងអីអោយសោះ ធ្វើដំណើរពីស្អាង ទៅភ្នំពេញជាងមួយម៉ោងមិនទាន់ទៅដល់ តែក្រោយពីបន់ស្រន់ហើយ ជាភ័ព្វសំណាង មានឡានពេទ្យមក ក៏ជិះពីក្រោយឡានពេទ្យ រាងលឿនបានៗទៅដល់ពេទ្យអង្គឌួង ពេទ្យជួយសង្គ្រោះទាន់ពេល។
កុំអីមិនបានឃើញមុខកូនទេជីវិតកូនថ្លៃណាស់ គ្រាន់តែយកចេញមកភ្លាមពេទ្យ ស្ងើត បង្ឈរភ្នែកដាក់គ្នា ហើយនិយាយថា កូននេះសំណាងណាស់ដែលអាចរួចជីិវិតបាន ពេលវេលាជាង1ម៉ោងហើយ មិនមែន1នាទីទេ។សុំផ្តាំឪពុកម្តាយទាំងអស់ កុំធ្វេសប្រហាស់ បើស្រលាញ់កូន ហើយរឿងមួយវិញទៀតគឺរឿង អបិយជំនឿបើអាចយើងជឿខ្លះទៅ មុនពេលកើតរឿងនឹងម៉ាក់ខ្ញុំយល់សព្វឃើញកូនខ្ញុំកើតដំបៅសងខាងពោះ ហើយគាត់យកទៅពេទ្យ គាត់អង្វរអោយពេទ្យជួយពេទ្យស្រាប់តែ ពេទ្យយកថ្នាំដាក់ហើយក៏មានដង្កូវយ៉ាងច្រើនចេញមក។ គាត់មកប្រាប់ខ្ញុំរឿងគាត់យល់សព្វខាងលើតែខ្ញុំស្តាប់ហើយក៏អត់រវល់ដែល ព្រោះគិតថាជារឿងយល់សប្តិ ស្អែកឡើងនៅសុខៗស្រាប់តែនិយាយប្រាប់ប្តីថា បងហាបាត់នាក់ណាបាត់ទៅកុំអោយបាត់កូនមានខ្ញុំ ស្តាប់ឮហើយប្តីខ្ញុំនិយាយថាម៉េចចឹង កូនដូចតែគ្នាតាស។ បន្ទាប់មកថ្ងៃនេះក៏ទទួលលទ្ធផលចឹង នេះហើយដែលមិនជឿ់រអបីជំនឿ លទ្ធផលទទួលបានគឺប៊ិះបាត់បង់មនុស្សដែលខ្លួនស្រលាញ់»៕
