​ព្រះវិហារៈ កាលពីវេលាម៉ោង២ៈ១៥នាទីរសៀល ថ្ងៃទី១៨ ខែតុលា ឆ្នាំ២០១៨​ ស្ថិតនៅភូមិស្រយង់ជើង​ ឃុំស្រយង់​ ស្រុកគូលែន​ ខេត្តព្រះវិហារ មានហេតុការណ៏ភ្ញាក់ផ្អើលមួយ នៅចំណុច​​ផ្ទះឈ្មោះ ហុន​ សៀងហៃ ត្រូវជាឪពុកក្មេងពុលចំណី មានឈ្មោះ​ ហៃ​ វ៉ាន់ឆាយ​ ភេទប្រុស​ អាយុ១៨ខែ​ រស់នៅកន្លែងកើតហេតុ។​ 

តាមការបំភ្លឺរបស់ម្តាយក្មេងមុនកើតហេតុ​ ក្មេងបានហូបនំកញ្ចប់ (cookie creme) ប្រភេទសុកូឡា អស់៤កញ្ចប់ នឹងទឹកក្រូចដបជ័រ (sanumpueng) អស់១ដប​ ហូបរួចក៏រត់លេង​៣០នាទីក្រោយ ស្រាប់តែ​បែកពពុះមាត់​ទន់ខ្លួន​ ម្តាយរបស់ក្មេងបានយកទៅមណ្ឌលុខភាពកោះកេរ តែក្មេងស្លាប់មុនបាត់ទៅដល់មណ្ឌលសុខភាព។ ចំពោះករណីនេះ ក្មេងរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី​៕