ព្រះវិហារៈ កាលពីថ្ងៃទី២៤ ខែតុលា ឆ្នាំ២០១៨ ស្ថិតនៅភូមិស្របាល ឃុំភ្នំពេញ ស្រុកគូលែន ខេត្តព្រះវិហារ។ ជនសង្ស័យម្នាក់ មានឈ្មោះ ព្រីត មាន ភេទប្រុស អាយុ៣៧ឆ្នាំ។ ត្រូវបានសមត្ថកិច្ចនគរបាលខេត្តព្រះវិហារ ធ្វើការឃាត់ខ្លួន ក្រោយធ្វើសកម្មភាពរំលោភលើក្មេងស្រីអនិតិជនម្នាក់ មានឈ្មោះ ភ.ន ទ.ច អាយុ១២ឆ្នាំ រស់នៅផ្ទះជាមួយគ្នានៅភូមិឃុំខាងលើ បានសម្រេចរហូត៣ដង។
លោក គង់ គា បានឲ្យដឹងទៀតថា ករណីជនសង្ស័យរំលោភក្មេងស្រីរងគ្រោះ គឺមានចំនួន៣លើក លើកទី១ នៅខ្ទមស្រែ កាលអំឡុងឆ្នាំ២០១៧ ប៉ុន្តែមិនទាន់ស៊ីជម្រៅ លើកទី២ ឆ្នាំ២០១៨ នៅលើផ្ទះជនរងគ្រោះបានសម្រេច។ ក្រោយរំលោភបានសម្រេច ជនសង្ស័យបានចាកចេញពីផ្ទះជនរងគ្រោះរហូត លុះលើកទី៣ នៅថ្ងៃទី២៣ ខែតុលា ឆ្នាំ២០១៨ ជនសង្ស័យបានរំលោភលើជនរងគ្រោះម្តងទៀត នៅលើផ្ទះជនរងគ្រោះ ដោយម្តាយជនរងគ្រោះជាប់រវល់ការងារនៅក្រោមផ្ទះ ចៃដន្យបងថ្លៃជនរងគ្រោះឡើងទៅទាន់ ក៏បង្កការភ្ញាក់ផ្អើល និងធ្វើការឃាត់ខ្លួនប្រគល់ឲ្យសមត្ថកិច្ចតែម្តង។ តាមចម្លើយសារភាពរបស់ជនសង្ស័យ សមត្ថកិច្ចកំពុងកសាងសំណុំរឿង បញ្ជូនជនសង្ស័យទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕