ភ្នំពេញ ៖ សមត្ថកិច្ចធ្វើការឃាត់ខ្លួនក្រុមចោរប្លន់ម៉ូតូ បាន២នាក់ កាលពីវេលាម៉ោង២និង៣០នាទីយប់រំលងអធ្រាត្រ ឈានចូលថ្ងៃទី២៧ ខែតុលា ឆ្នាំ២០១៨ ស្ថិតនៅចំណុចមុខផ្សារសុវណ្ណា តាមបណ្តោយផ្លូវ២៧១ ក្នុងសង្កាត់ទំនប់ទឹក ខណ្ឌចំការមន។
ជនសង្ស័យទីមួយមានឈ្មោះ ម៉ែង រស្មី ភេទប្រុស អាយុ២៥ឆ្នាំ ទី២ឈ្នោះ ភុន ភារក្ស ភេទប្រុស អាយុ១៨ឆ្នាំ ជិះម៉ូតូមួយគ្រឿងម៉ាកឌ្រីមសង់ស៊េរី០១៦ ពណ៌ខ្មៅ ពាក់ស្លាកលេខ ភ្នំពេញ 1DO-6225។
ចំណែកជនរងគ្រោះ២នាក់ទី១ឈ្មោះ កាន់ ចន្ធី ភេទប្រុស អាយុ២៤ឆ្នាំ ទី២ឈ្មោះ រង រស្មី ភេទប្រុស អាយុ២៦ឆ្នាំ។
ចំណែក២នាក់ទៀតមិនជាប់ពាក់ពន្ធ័និងករណីនេះទី១ មាន ឈ្មោះ យុក ផល្លី ភេទប្រុស អាយុ២៥ឆ្នាំ ទី២ឈ្មោះ ឈាង សីហា ភេទប្រុស អាយុ១៧ឆ្នាំ ជិះម៉ូតូមួយគ្រឿងម៉ាកឌ្រីមសង់ស៊រី០១៦ ពណ៌ខ្មៅ ពាក់ស្លាកលេខ ភ្នំពេញ 1FU-6758 ត្រូវបានសមត្ថកិច្ចបានឲ្យត្រឡប់ទៅផ្ទះវិញ។
មុនកើតហេតុ រូបគាត់មាន២នាក់បានជិះម៉ូតូមួយគ្រឿងម៉ាកស៊ុយស៊ូគីលេត ពណ៌សលាយខៀវ ពាក់ស្លាកលេខ កំពង់ស្ពឺ 1L-3119 ទើបនិងចេញពីក្លឹបបំណងត្រឡប់ទៅផ្ទះក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើស្រាប់តែលេចមុខមួយក្រុមមានគ្នា៧នាក់ជិះម៉ូតូ៣ គ្រឿងមកពីក្រោយហើយបានធ្វើសកម្មភាពចុះមកវាយលើរូបគាត់រួចយកម៉ូតូជិះគេចខ្លួន ខណ:នោះកម្លាំងសមត្ថកិច្ចមូលដ្ឋានកំពុងល្បាតក្នុងភូមិសាស្ត្រឃើញហេតុការនេះចុះមកអន្តរាគមន៍ភ្លាមៗនិងបានឃាត់ខ្លួននៅនឹងកន្លែង បានជនសង្ស័យ៤នាក់ ក្រោយពីសួរនាំឃើញថាមិនជាប់ពាក់ពន្ឋ័បានដោះ២នាក់អោយត្រឡប់ទៅវិញ។
ក្រោយពីដឹងថាសមត្ថកិច្ចជិះម៉ូតូដេញចាប់នោះ ជនសង្ស័យបានផ្តួលម៉ូតូចោលរួចរត់គេចខ្លួនបាត់រួចកម្លាំងសមត្ថកិច្ចបានយកម៉ូតូជនរងគ្រោះជនរងគ្រោះមកសួរនាំនៅប៉ុស្តិ៍នគរបាលទំបន់ទឹកបន្តទៀត ៕
ដោយ៖ ភត្ត្រា