ភ្នំពេញ៖ ហេតុការណ៍ដ៏គួរឲ្យហួសចិត្តមួយបានកើតឡើងកាលពីថ្ងៃទី ២៧ ខែតុលា ឆ្នាំ២០១៨ ក្នុងហេតុការណ៍គ្រោះថ្នាក់ចរាចរណ៍មួយ ដោយជនបរទេស ជិះម៉ូតូប៉ះជាមួយម៉ូតូមួយគ្រឿងដែលកំពុងឆ្លងផ្លូវ បណ្តាលឲ្យក្មេងស្រីម្នាក់រងរបួសត្រង់ក្បាលនោះ។
នៅក្នុងហេតុការណ៍នោះផងដែរ ជនបរទេសនោះ ជិះត្រូវច្បាប់ហើយ តែម៉ូតូក្មេងស្រីរងគ្រោះជិះបញ្ជ្រាសទិស។ បន្ទាប់មកក៏បានលឺដំណឹងថា ក្រុមគ្រួសារនោះ បានយកប្រាក់ពីជនបរទេស រហូតដល់២៥០ដុល្លារមក ស្រាប់តែអ្នកប្រើប្រាស់បណ្តាញសង្គមហ្វេសប៊ុកជាច្រើន បានទាមទារឲ្យបុរសអ្នកបើកម៉ូតូបញ្ច្រាស យកប្រាក់ទៅសងជនបរទេសឲ្យគ្រប់ចំនួនវិញ និងសុំទោសជនបរទេសនោះទៀតផង។
ដោយឡែកលោកឧកញ៉ាវ័យក្មេង ឌួង ឆាយ បានចេញមកប្រតិកម្មចំពោះបញ្ហានេះផងដែរថា ”លោកពិតជាមានអារម្មណ៍សោកស្តាយ និងខ្មាស់គេខ្លាំងណាស់ចំពោះជនជាតិខ្លួនដែល បានធ្វើរឿងបែបនេះទៅដល់ជនបរទេស បើទោះជាជនបរទេសនោះខំព្យាយាមសុំទោស ដល់ថ្នាក់ ក្រាបបង្គំសំពះហើយនៅតែមិនអត់អោនឲ្យគ្នាទៀត ទាំងដែលភាគីខាងខ្លួនជាអ្នកខុសសោះ ហើយលោកបានបន្តទៀតថា លោកចង់ចេញមុខសងសំណង និងសុំទោសដោយផ្ទាល់ ដែលក្នុងនាមលោកជាអ្នកតំណាងឲ្យប្រជាជនខ្មែរទាំងមូល លោកពិតជាសោតស្តាយជាខ្លាំងចំពោះរឿងដែលកើតឡើងនេះ"។
មានវិដេអួ៖
ប្រភព៖ Duong Chay ឌួង ឆាយ