ខេត្តព្រះសីហនុ និងខេត្តជាំងស៊ូ នៃសាធារណៈរដ្ឋប្រជាមានិតចិន បានក្លាយជាខេត្តបងប្អូន នឹងគ្នាហើយ
ព្រះសីហនុៈ បើយោងតាមផេកផ្លូវការ របស់រដ្ឋបាលខេត្តព្រះសីហនុ បានសរសេរថា ដោយមានការអនុញាតិពីរាជរដ្ឋាភិបាល នៅក្នុងជំនួបជាផ្លូវការមួយក្នុងខេត្តជាំងស៊ូ កាលពីថ្ងៃទី ២៥ ខែតុលា ឆ្នាំ២០១៨ នេះ ឯ.ឧ យន្ត មីន អភិបាលនៃគណៈអភិបាលខេត្តព្រះសីហនុ បានដឹកនាំគណៈប្រតិភូ អញ្ជើញចុះហត្ថលេខាលើអនុស្សារណ: នៃការយោគយល់គ្នា ស្តីពីការបង្កើតសម្ព័នមេត្រីភាពខេត្តបងប្អូន រវាងខេត្តព្រះសីហនុ និងខេត្តជាំងស៊ូ នៃសាធារណ:រដ្ឋប្រជាមានិតចិន។
សូមបញ្ជាក់ថា នៅក្នុងគោលការណ៏នៃអនុស្សារណៈនេះ បានចែងអំពីភាពជាដៃគូ ស្មើភាពគ្នា ការផ្តល់ផលប្រយោជន៏ដល់គ្នាទៅវិញទៅមក និងជាពិសេសការសហការធ្វើពាណិជ្ចកម្មរួមគ្នា ការជួយគ្នាលើការសង្គម និងរិតចំណងសាមគ្គីភាពរវាងប្រជាជននៃប្រទេសទាំងពីរ ជាដើម៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។