ធ្វើបុណ្យទាន់ខែភ្លឺ...បុរសសង្ហារម្នាក់ បានរៀបអាហារកញ្ចប់ និងទឹកសុទ្ធ ដើម្បីចែកជូនដល់លោកពូ អ្នកមីង ដែលយកចិញ្ចើមផ្លូវធ្វើជាផ្ទះ ពេលបានស្តាប់លឺពាក្យថា ឃ្លាន និងពាក្យអរគុណចេញពីមាត់គាត់ ពិតជា...

មនុស្សយើងម្នាក់រស់នៅក្នុងសង្គមបច្ចុប្បន្ន ត្រូវចេះជួយគ្នា មិនថាអ្នកមានអ្នកក្រ ជនពិការអ្វីទេ អ្វីដែលយើងអាចធ្វើបាន មានលទ្ធភាពហើយ កុំរង់ចាំពេលនេះពេលនោះ ព្រោះថាជីវិតមនុស្សមិនដែលពិតប្រាកដនោះទេ។

ជាក់ស្តែងនាពេលបច្ចុប្បន្នមានពុកម៉ែ បងប្អូនប្រុសស្រី ជាច្រើន តែងតែបានជួយដល់ជនក្រីក្រ និងអ្នកដែលមានជីវភាពខ្សត់ខ្សោយជាងខ្លួន។

ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា "មិនមែនជាថ្ងៃពិសេសអីទេ គ្រាន់តែចង់ធ្វេីបុណ្យដល់ចាស់ៗ ពេលដែលយេីងយកអោយគាត់សប្បាយចិត្តណាស់និយាយទាំងញ័រមាត់ អរគុណហេីយចៅអេីយតាំងពីព្រឹកមករកលុយអត់បានទេ ទិញបានបាយហូបតែ៥០០រៀលទេ ពិននឹងគឺឆ្ងាញ់សំរាប់គាត់ហេីយសូម្បីតែកន្លែងដេកក៏គាត់គ្មានផង លឺបែបនឹងអាណិតណាស់ មានតែធ្វេីបុណ្យទេដែលសប្បាយចិត្តជាងគេ គឺសប្បាយចិត្តខ្លាំងម៉ង ហេីយចិត្តជ្រះថ្លាទៀត ??????"។

យ៉ាងណាមិញ នៅក្នុងគណនីហ្វេសប៊ុករបស់ប្អូនប្រុស ក៏បានរៀបចំអាហារប្រអប់សម្រាប់ជូនលោកពូ អ្នកមីង ដែលគាត់រស់នៅក្នុងភាពលំបាក ។ គួរបញ្ជាក់ផងដែរថា បុរសខាងលើបានវេចបាយសាច់ជ្រូកពង់ទា ព្រមទាំងទឹកសុទ្ធដើរជូនចាស់នៅពេលយប់មានដូចជាតាៗធាក់ស៊ីក្លូ ឬជនអនាថាជាដើម ក្នុងខណៈពេលដែលពួកគាត់លំបាក គឺចំពេលដែលពួកគាត់កំពុងតែឃ្លាន និងមិនមានកន្លែងសម្រាប់សម្រាក គឺអ្នកខ្លះត្រូវគេងនៅនឹងចិញ្ចើមផ្លូវទៀតផង។ ពេលដែលលោកអ្នកបានទទួលទានរបស់ឆ្ងាញ់ៗហើយនៅសល់ គួរគិតដល់អ្នកក្រខ្លះក៏ល្អដែរ៕