ភ្នំពេញ៖ កាលពីពេលថ្មីៗនេះ កូនប្រុសទាំងបីរបស់កំពូលតារាចម្រៀងលោកព្រាប សុវត្ថិ បានសាងកេរ្តិ៍ឈ្មោះយ៉ាងឆាប់រហ័ស បន្ទាប់ពីបានចូលក្នុងផលិតកម្មរស្មីហង្សមាស ហើយតារាវ័យក្មេងទាំងបីរូបនេះ ទទួលបានការគាំទ្រយ៉ាងខ្លាំងពីសំណាក់ប្រិយមិត្ត។ 

នាពេលបច្ចុប្បន្នបុរសសង្ហាទាំងបីនាក់ បានចេញបទចំរៀងជាច្រើនជាបន្តបន្ទាប់ ជាពិសេសគឺការបង្ហាញវត្តមាននៅលើឆាកតន្ត្រី មិនថាតាមបណ្តាខេត្តឬក្រុងនោះឡើយ។

អ្វីដែលគួរឲ្យចាប់អារម្មណ៍នៅពេលនេះ តារាចម្រៀងវ័យក្មេង លោក សុវត្ថិ មុន្នីវណ្ណ សុវត្ថិ មុនីនាគ និង សុវត្ថិ សិរីវុឌ្ឍ ក៏បានបង្ហាញក្បាច់រាំយ៉ាងរស់រវើក ដោយរូបលោកបង្ហាញក្បាច់រាំ cover បទ The Eve របស់ក្រុមចម្រៀងកូរ៉េ EXO ធ្វើឲ្យអ្នកគាំទ្រជាច្រើន សរសើរមិនដាច់ពីមាត់ចំពោះសមត្ថភាព ក្បាច់រាំរបស់អ្នកទាំងបីនាក់៕

សូមទស្សនារិដេអូទាំងអស់គ្នា៖

ប្រភព៖ Sovath Monivann SMV