កំពង់ឆ្នាំងៈ កាលពីវេលាម៉ោង១០ៈ៥៩នាទីព្រឹក ថ្ងៃទី១ ខែវិច្ឆិកា ឆ្នាំ២០១៨ ស្ថិតនៅចំណុចហាងខារ៉ាអូខេ អេសអាក ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុង.ខេត្តកំពង់ឆ្នាំង។ គ្រូបង្រៀនភាសាកូរ៉េម្នាក់ បើករថយន្តបុកម៉ូតូសិស្សសាលា មានគ្នាចំនួន៣នាក់ បណ្ដាលឲ្យរងរបួសធ្ងន់ស្រាល ហើយរថយន្ដខាងលើព្យាយាមបើករត់គេច។
សមត្ថកិច្ចបានឲ្យដឹងថា ជនបង្កមានឈ្មោះ គឹម តុលា អាយុ២៤ឆ្នាំ ទីលំនៅភូមិទួលក្រឡាញ់ សង្កាត់កំពង់ឆ្នាំង មុខរបរគ្រូបង្រៀនកូរ៉េ ជាម្ចាស់រថយន្ត លុចស៊ីស 330 ពាក់ស្លាកលេខ ភ្នំពេញ 2AN 6048។ ហើយត្រូវសមត្ថកិច្ច ប្រើធម៌ក្តៅ អូសរថយន្ត និងឃាត់ខ្លួនអ្នកបើក យកទៅអធិការដ្ឋាននគរបាលក្រុង ដោះស្រាយនិងទួលខុសត្រូវ ចំពោះករណី គ្រោះថ្នាក់ចរាចរណ៍ ព្រោះតែម្ចាស់រថយន្តបង្កហេតុ ប្រើប្រាស់ចរឹក ច្រងេងច្រងាង រឹងទទឹង ដាក់សមត្ថកិច្ច ។
ទោះជាយ៉ាងណា សមត្ថកិច្ចនគរបាល ក្រុងកំពង់ឆ្នាំង សម្រេចប្រើធម៍ក្តៅទៅលើ ម្ចាស់រថយន្តដែលបាន បើករត់ចេញ ពីកន្លែងកើតហេតុ មិនទទួលខុសត្រូវ រត់សំដៅទីតាំងក្រុមហ៊ុន បង្រៀនភាសាកូរ៉េ របស់ពួកគេ។ ជនបង្កបាន ប្រកែកថា ខ្លួនមិនបាន បុកក្មេងទាំង៣នោះទេ និងមិននៅកន្លែងកើតហេតុ ប៉ុន្តែសមត្ថកិច្ចជំនាញ បានបញ្ជាក់ថា រថយន្តមួយនេះ បុកម៉ូតូក្មេងច្បាស់ណាស់ ព្រោះមានស្លាកស្នាម។ ក្រោយពេល កើតហេតុ ក្មេងសិស្សសាលាទាំង៣នាក់ ត្រូវបានសមត្ថកិច្ចហៅរថយន្តសាមុយ បញ្ជូនទៅ មន្ទីរពេទ្យបង្អែកខេត្ត ដើម្បីធ្វើការសង្គ្រោះ៕
.jpg?1751610233)
.jpg?1751610233)
