ភ្នំពេញ៖ ផ្ទុះការភ្ញាក់ផ្អើកជាខ្លាំងនៅលើ​បណ្ដាញសង្គម ខណៈមហាជនប្រទះឃើញសន្លឹកឆ្នោតរបស់ប្រទេសវៀតណាម បានយករូបព្រះបរមរាជវាំងនៃប្រទេសកម្ពុជា ដាក់ធ្វើជាស្លាកសញ្ញាសម្គាល់សម្រាប់ឆ្នោតរបស់ពួកគេទៅវិញទាំងនេះគឺជាទង្វើរដែលមានការប្រមាថមើលងាយមកលើប្រជាជនខ្មែរនឹងប្រទេសកម្ពុជាទាំមូល។

មិនត្រឹមតែសន្លឹកឆ្នោត ទេ ដែលវៀតណាមហ៊ានយករូបព្រះបរមរាជវាំងរបស់ខ្មែរទៅដាក់ធ្វើជាស្លាកសញ្ញាសម្គាល់នោះ សូម្បីតែលុយខ្មោចក៏វៀតណាម បានយករូបប្រាសាទក្នុងព្រះបរមរាជ្យវាំងខ្មែរ ទៅច្នៃដាក់លើក្រដាសប្រាក់លុយខ្មោចរបស់ខ្លួនដែរ បង្កឲ្យមហាជននៅលើបណ្ដាញសង្គម មានការខឹងសម្បាយ៉ាងខ្លាំង និងលាន់មាត់តៗគ្នាថា« ថ្លើមធំម៉្លេះ ហ៊ានយក ព្រះបរមរាជវាំងខ្មែរទៅដាក់អញ្ចឹងទៀត ចេះធ្វើទៅរួចដែរ»។

ជាមួយការប្រទះឃើញរឿងហេតុខាងលើនេះ មហាប្រជាពលរដ្ឋខ្មែរក៏បានធ្វើការសំណូមពរឲ្យថ្នាក់ដឹកនាំ ក៏ដូចជារាជរដ្ឋាភិបាលកម្ពុជាមេត្តាទប់ស្កាត់ទៅលើទង្វើរដែលវៀតណាមបានបានធ្វើការប្រមាថមើលងាយដថោកទាបបំផុតមកលើប្រទេសកម្ពុជាបែបនេះ។