ភ្នំពេញៈ កាលពីថ្ងៃទី៣ ខែវិច្ឆិកា ឆ្នាំ២០១៨នេះ កក្រើក​នៅខណ្ឌច្បារអំពៅ និងពាសពេញបណ្តាញទំនាក់ទំនងសង្គមហ្វេសប៊ុក​តែម្តង។ ខណៈដែលស្ត្រីម្នាក់ជាមេតុងតីន បោកប្រាស់លុយកូនតុងតីន មានទាំងរាស្ត្រតូចតាច ជាអាជីវករ ជាមន្ត្រី នាំគ្នាស្រែកទ្រហ៊ោយំ អំពាវនាវរកកិច្ចអន្តរាគមន៍ពីសមត្ថកិច្ច ហើយជាពិសេសថែមទៀតនោះ ជនដែលត្រូវចាញ់បោកមេតុងតីនម្នាក់នេះដែរនោះ ត្រូវគេដឹងថា មានរួមបញ្ចូលទាំងអតីត​ចៅហ្វាយក្រុង និងលោកឧកញ៉ាផងដែរ ។

ប្រភពរាយការណ៍ថា មេតុងតីនជើងឆើតរូបនេះ ​បានប្រមូលលុយជាង៣លានដុល្លារ​ ហើយនាំកូនៗរបស់ខ្លួន​រត់បាត់ចេញពីផ្ទះ​៣ទៅ៤ថ្ងៃមកហើយ ហើយទើបតែភ្ញាក់ផ្អើល​ បែកខ្ចាយដំណឹងនេះដល់កូនៗតុងតីន។ អាជ្ញាធរ​ខណ្ឌច្បារអំពៅ ពេលនេះ​បាននិងកំពុងពិនិត្យ និងស៊ើបសួរពាក់ព័ន្ធករណីនេះ ហើយអាចឈានដល់ឃាត់ខ្លួនជនសង្ស័យឆបោកជាមេតុងតីន នាំខ្លួនមកផ្តន្ទាទោសតាមច្បាប់ ៕