ថៃ៖ និស្សិតស្រីម្នាក់ ខឹងមិត្តប្រុសមិនទិញកាបូបថ្លៃឲ្យ បម្រុងលោតពីលើអគារកម្ពស់ ៨ជាន់ និងនៅបន្ទប់លេខ ៨១៥ បង្កឲ្យមានការភ្ញាក់ផ្អើលយ៉ាងខ្លាំង។
និស្សិតស្រីរូបនោះត្រូវបានគេស្គាល់ថា ជានិស្សិតឆ្នាំទី៤ ដែលកំពុងតែនិយាយទូរស័ព្ទនៅខាងមុខអគារ ជាមួយពាក្យសម្តីខ្លាំងៗ ឯនៅផ្នែកខាងក្រោមជាកន្លែងសម្រាប់ចតរថយន្ត។
ក្រោយពីនិយាយទូរស័ព្ទអស់មួយសន្ទុះក្រោយមក គេសង្កេតឃើញនិស្សិតស្រី វ័យ២៤ឆ្នាំខាងលើ បម្រុងនឹងលោតពីលើអាគារចុះមកក្រោម ធ្វើឲ្យមានការភ្ញាក់ផ្អើលដល់សមត្ថកិច្ច ដើម្បីជួយអន្តរាគមន៍ និងអ្នកនៅក្បែរនេះទើបអាចជួយនាងឲ្យរួចផុតពីគ្រោះថ្នាក់ ហើយក៏បាននាំនាងមន្ទីរពេទ្យដែលនៅជិតនោះបំផុត។
ចំណែកខាងមិត្តប្រុសរបស់និស្សិតស្រីនោះ មានឈ្មោះថា អានុន បានបង្ហើបឲ្យដឹងថា ខ្លួននិងមិត្តស្រីបានជួលបន្ទប់ស្នាក់នៅជាមួយគ្នា នៅផ្ទះកើតហេតុ ហើយក៏បានទាស់ពាក្យសម្តីគ្នាតិចតួច ព្រោះខ្លួនមិនចង់ឲ្យមិត្តស្រីទិញកាបូបមួយតម្លៃ ១៥ ០០០បាត ឬប្រមាណ ៤៦០ដុល្លារ រហូតដល់និយាយពាក្យថាចែកផ្លូវគ្នាតែម្តង។
ក្រោយពីបានដឹងរឿងបែបនេះ ធ្វើឲ្យមនុស្សគ្រប់គ្នាមានការហួសចិត្តចំពោះនាងយ៉ាងខ្លាំងហើយបាននិយាយថា ត្រឹមតែកាបូបមួយធ្វើឲ្យនាងគិតខ្លីបែបនេះ ពិតជាយកជីវិតមកលេងសើចពេកហើយ៕
.jpg?1711517593)
