ភ្នំពេញ៖ លោក សុវណ្ណ រិទ្ធី ហៅតា  វ៉ីចទ័រ គ្រាន់តែឃើញព័ត៌មានចុះផ្សាយល្បីពីកូនស្រីសំណព្វចិត្តរបស់ខ្លួននាង វ៉ាន់នីឡា កំពុងតែកៀកកើយស្និទ្ធស្នាល បង្កាត់ភ្លើងស្នេហ៍ជាមួយបុរសរូបសង្ហាម្នាក់ភ្លាម ធ្វើឲ្យលោក សុវណ្ណ រិទ្ធី ហៅតា វ៉ីចទ័រ ដែលជាអ្នកគ្រប់គ្រងកម្មវិធីកម្សាន្តនៃក្រុមហ៊ុន CBS នៅមិនស្ងៀមក៏លើកឡើងតាមរកមុខបុរសដែលល្បីជាគូស្នេហ៍ថ្មីរបស់កូនថា«ខ្ញុំចង់មើលឃើញឲ្យបានច្បាស់ណាស់ថា តើបុរសដែលគេនាំគ្នានិយាយថា ជាគូស្នេហ៍ថ្មីរបស់កូនស្រីខ្ញុំនោះ គេជាអ្នកណា ព្រោះបើតាមរូបថតអស់ទាំងនោះគឺកូនស្រីខ្ញុំ(តា វ៉ីចទ័រ)បានថតរូបជាមួយបងប្អូនប្រុសជាសាច់ញាតិខ្ញុំច្រើនដែរ»។

តាមរយៈសារដែលលោក វ៉ិចទ័រ បានលើកឡើងខាងលើនេះអាចបញ្ជាក់បានថារូបលោកពិតជាកើតទុក្ខមិនសុខចិត្តនោះទេ ចំពោះរឿងរ៉ាវអាស្រូវដែលលេចឮទាំងអស់នេះ ខណៈម្ចាស់សម៉ីខ្លួននាង វ៉ាន់ នីឡា មិនទាន់ចេញមកនិយាយអ្វីនៅឡើទេ។