ពិតជាល្អណាស់....បំណងប្រាថ្នា ទៅថ្ងៃអនាគត របស់ប្អូនប្រុស គឺចង់ក្លាយជា "មគ្គទេសក៍ទេសចរណ៍" ដើម្បីនាំជនបរទេស ឲ្យស្គាល់នូវវប្បធម៍ និងប្រវត្តសាស្ត្រដ៍អស្ចារ្យរបស់ខ្មែរយើង

ក្រោយពីទទួលបានការចាប់អារម្មណ៍យ៉ាងខ្លាំងពីសំណាក់ មហាជន ទាំងក្នុងនិងក្រៅប្រទេស តាមរយៈការបង្ហោះវិដេអូ របស់នារីម្នាក់ ទេពកោសល្យ និងការប្រើប្រាស់ភាសា បានយ៉ាងល្អ រហូតដល់ទៅ១៥ភាសាឯណោះ។

ប្អូនប្រុសបានឲ្យដែរថា ប្អូនប្រុសមានឈ្មោះថា ធុច សាលិក មានអាយុ ១៤ឆ្នាំ កំពុងសិក្សាថ្នាក់ទី៩ នៅអនុវិទ្យាល័យ ហ៊ុន សែន ស្រះស្រង់ក្នុងខេត្តសៀមរាប ហើយប្អូនប្រុសអាចនិយាយ ១៥ភាសា រីឯប្អូនរបស់ សាលិក មានឈ្មោះថា ធុច ទិត្យា មានអាយុ ១២ឆ្នាំ ហើយប្អូនក៍អាចនិយាយបាន ១២ភាសាផងដែរ។

សាលិក ក៏បានប្រាប់ទៀតថា រាល់ថ្ងៃពួកគេបានដើរលក់វត្ថុអនុស្សាវរីយ៍ ឲ្យជនបរទេស ព្រោះថាគ្រួសាររបស់ប្អូនប្រុសពិតជាមានជីវភាពលំបាកខ្លាំងណាស់ ហើយឪពុកម្តាយក៏ជំពាក់បំណុលគេទៀតផង។

បើតាមការរៀបរាប់របស់ប្អូនប្រុស មិនដឹងត្រូវជួយសម្រាលនូវទុក្ខគ្រួសារយ៉ាងមិច ក៏ពួកគេ ប្រើប្រាស់ជំនាញ និងពេទកោសល្យរបស់ខ្លួន ដើរលក់វត្ថុអនុស្សាវរីយ៍ ដើម្បីទទួលបានប្រាក់កំរៃបន្តិចបន្តួចគ្រាន់និងជួយដល់គ្រួសារ លើថ្លៃហូបចុករាល់ថ្ងៃ។

ដោយឡែកឪពុកម្តាយរបស់ក្មេងប្រុស បានមានប្រសាសន៍ថា ពួកគាត់ជំពាក់ប្រាក់ឯកជន និងធានាគារសរុប ៥មឺុនដុល្លាសហរដ្ឋអាមេរិច ដោយប្រាក់ទាំងអស់នោះ ត្រូវយកទៅមើលជំងឺអ្នកម្តាយ និងសល់លុយខ្លះៗដើម្បីទិញដី ព្រមទាំងសង់ផ្ទះតូចល្មមសម្រាប់នៅ ព្រោះថា ពីមុនពួកគាត់គឺរស់នៅតាមសំយាបផ្ទះគេតែប៉ុនណោះ។

ឪពុកម្តាយ សាលិក ក៏បានប្រាប់ទៀតថា ក្នុងមួយខែៗ ពួកគាត់ត្រូវបង់ទៅធនាគារ ចំនួន ៧០០ដុល្លាអាមេរិក ទើបពួកគេទាំងអស់គ្នាត្រូវខិតខំ ទាំងក្មេងទាំងចាស់ ដើម្បីរកប្រាក់មកដោះបំណុលគេ ដោយកូនៗរបស់គាត់ទៅលក់វត្ថុអនុស្សាវរីយ៍ ម្តាយគឺជាអ្នកលក់កន្សែង ហើយនិងឪពុកគឺជាអ្នកគូរគំនូរលក់ ទើបអាចបង់ទៅធនាគារវិញទាន់ពេល ហើយនិងអាចទិញម្ហូបអាហារហូបចុករាល់ថ្ងៃ។

ជីវិតដ៏កំសត់មួយនេះ បានធ្វើឲ្យមហាជនជាច្រើន កើតក្តីអាណិតអាសូរដល់ក្រុមគ្រួសារមួយនេះ ព្រមទាំងមានការជួយឧបត្ថម្ភ សម្រាក់ការសិក្សាររបស់ប្អូនៗទៀតផង។

នៅក្នុងនោះផងដែរ សាលិក និងប្អូនប្រុស ក៏ប្រាប់ពីគោលបំណង និងក្តីប្រាថ្នានាពេលអនាគត របស់ខ្លួន ដោយមិនលាក់លៀមថា "ពួកគេចង់ក្លាយទៅជា មគ្គទេសក៍ទេសចរណ៍"។

មូលហេតុដែលពួកគេចង់ធ្វើជាមគ្គទេសក៍ទេសចរណ៍ គឺព្រះតែ ពួកគេចង់នាំជនបរទេស ឲ្យស្គាល់នូវវប្បធម៍ និងប្រវត្តសាស្ត្រដ៍អស្ចារ្យរបស់ខ្មែរយើង ហើយពួកគេគឺស្រលាញ់នឹងការរៀនភាសាខ្លាំងណាស់។