កាលពីម្សិលមិញលោក ខាន់ ច័ន្ទសុផល បានបង្ហោះសារខ្លីមួយនៅលើបណ្តាញសង្គមហ្វេសប៊ុកផ្ទាល់ខ្លួនរបស់លោកបានរិះគន់ទៅលើក្រុមគ្រួសាររបស់ក្មេងប្រុសដែលអាចនិយាយបាន១៥ ភាសាដោយនៅក្នុងសារនោះលោកបានសរសេរថា «ហា.... អន់ចង់ ! អត់សូវចេះនិយាយបន្តិច! ឮតែកូនល្បី គេចង់ជួយច្រើន ឆ្លើយមួយក្បាច់ប្រកាច់អ្នកសួរស្អាត! គាត់កំពុងជំពាក់លុយគេ ៥មុឺនដុល្លា ....... អ្នកណាក៏៧០ល្អម្ល៉េះ អោយចែជំពាក់លុយដល់ ៥មុឺនដុល្លា ដោយគ្មានស្អីបញ្ជាំ ?» ។
ក្រោយពីបង្ហោះសារមួយនេះរួចបានធ្វើឲ្យមហាជនជាច្រើនមានការមិនពេញចិត្តនិងខឹងសម្បារជាខ្លាំង ។ ស្រាប់តែពេលនេះឯកឧត្តម ពេជ្រ ស្រស់ ក៏បានចេញសារមួយនៅក្នុងបណ្តាញសង្គមរបស់ ខ្លួនវាយប្រហារទៅលើអ្នកដែលបានរិះគន់ក្មេង ប្រុសខាងលើថា “ឱ ផលអើយផល បើផលឯងទំពែកក្បាលហើយ កុំឲ្យទំពែកចិត្ត និងទំពែកបញ្ញាទៀតអី ពីព្រោះផលឯងមានដឹងទេថា
ទូរទស្សន៍ហង្សមាស ខំទិញសិទ្ធិផ្តាច់មុខនូវកម្មវិធី The Voice ពី USA អស់រាប់សែនដុល្លារដើម្បីអ្វី? ចង់ប្រាប់ផលឯងថា គឺដើម្បីរកមនុស្សមានសមត្ថភាព និងមានទេពកោសល្យ ហើយករណីក្មួយនៅខេត្តសៀមរាប កំពុងល្បីនោះ គឺគាត់មានទេពកោសល្យ ដោយមានការដាក់ពិន្ទុដោយមហាជន ប៉ុន្តែដើម្បីឲ្យមហាជនដាក់ពិន្ទុបាន លុះត្រាមានការបង្ហាញលើសាធារណៈ ទើបមហាជនអាចដាក់ពិន្ទុបាន។
ចុះវាខុសស្អីគ្រាន់តែបរទេសបង្ហោះនូវទេពកោសល្យ របស់ក្មួយប្រុសនៅខេត្តសៀមរាបនោះ បើផលឯងគ្រាន់បើ ម្តេចមិនទៅថតបង្ហោះឲ្យមហាជនបានដឹងផងទៅ។ ឱខ្មែរមួយចំនួនអើយពេលណាបញ្ចប់អាវប្បធម៌ជាន់ពន្លិចហ្នឹងទៅ?”។
.jpg?1751610233)
.jpg?1751610233)
