លោកប្រធានាធិបតីសហរដ្ឋអាមេរិក Donald Trump បានផ្ញើចម្លើយតបទៅនឹងសំណួររបស់លោក Robert Mueller ដែលជាអ្នកប្រឹក្សាពិសេសដែលកំពុងស៊ើបអង្កេតលើការចូលលុកលុយរបស់រុស្ស៊ីក្នុងការបោះឆ្នោតអាមេរិកឆ្នាំ 2016 ។ នេះបើយោងតាមប្រព័ន្ធផ្សព្វផ្សាយក្នុងស្រុកកាលពីថ្ងៃអង្គារម្សិលមិញនេះ។

លោកប្រធានាធិបតីបានឆ្លើយតបជាលាយលក្ខណ៍អក្សរថា នៅក្នុងការសរសេររបស់ "លោក Jay Sekulow មេធាវីរបស់លោកប្រធានាធិបតី Mueller បានប្រាប់ ABC News ក្នុង សេចក្តីថ្លែងការណ៍។

"លោកប្រធានាធិបតីបានផ្តល់នូវកិច្ចសហប្រតិបតិ្តការ ដែល​មិនធ្លាប់មានពីមុនមក​ហើយមេធាវីពិសេសត្រូវបាន​ផ្តល់ជូននូវ​សាក្សីជាង ​30 នាក់។ លោកប្រធានាធិបតីបានបន្ត ទៀតថា​ហើយវា​គឺជាពេលវេលា​ដើម្បីនាំយក​ការស៊ើបអង្កេត​នេះទៅ​ជាការសន្និដ្ឋាន" Rudy Giuliani ដែលជាមេធាវីរបស់ប្រធានាធិបតីក៏បានប្រាប់ ABC News ផងដែរ។

"វាជាជំហររបស់យើងតាំងតែពីដើមដំបូងមកម្ល៉េះដែល ភាគច្រើននៃបញ្ហាដែលត្រូវបាន​លើកឡើង​នូវបញ្ហារដ្ឋធម្មនុញ្ញយ៉ាង​ធ្ងន់ធ្ងរហើយវាហួសពីវិសាលភាពនៃការស៊ើបអង្កេតស្របច្បាប់។

លោក Trump បានប្រាប់អ្នកយកព័ត៌មានកាលពីសប្ដាហ៍មុនថាលោកបាន​បញ្ចប់ចម្លើយដែលសរសេរដោយផ្ទាល់​ខ្លួនជំនួស​ឱ្យក្រុមអ្នកច្បាប់របស់លោក។

លោក Trump បាននិយាយនៅពេលនោះថា "ខ្ញុំបានឆ្លើយតបយ៉ាងងាយស្រួល។

កាលពីថ្ងៃអាទិត្យលោក Trump បាននិយាយ​នៅក្នុងបទសម្ភាសន៍ "Fox News Sunday" ថាលោកប្រហែលជា "នឹងមិនអង្គុយសំភាសន៍ជាមួយលោក Mueller ទេ។

លោកប្រធានាធិបតីបាននិយាយនៅក្នុងបទសម្ភាសន៍ថា "ខ្ញុំគិតថាយើងបានចំណាយពេលគ្រប់គ្រាន់នៅលើបទសម្ផាសន៏នេះ ហើយចម្លើយគឺប្រហែលជាយើងត្រូវបានបញ្ចប់" នៅពេលនេះផងដែរ។

Trump បានច្រានចោលការឃុបឃិតគ្នារវាងយុទ្ធនា ការរបស់គាត់និងរុស្ស៊ីនៅក្នុងការបោះឆ្នោតនៅសហរដ្ឋអាមេរិកឆ្នាំ 2016 ។

លោក Trump ក៏បានវាយប្រហារការស៊ើបអង្កេតដោយហៅថាជា ការ"បោកបញ្ឆោត"  ដែលបង្កើតឱ្យមាន​ការរំពឹងទុក​យូរអង្វែង​ដែលថាលោកនឹងបង្ខំ​ឱ្យវាត្រូវបានបិទជាសកម្មភាព​មួយដែលក្រុមអ្នកវិភាគនិយាយថាអាចបង្កឱ្យមានបញ្ហាខាងនយោបាយ។

ចាប់តាំងពីពេលនោះមកព្រះរាជអាជ្ញារបស់លោក Mueller បានធានាការចោទប្រកាន់ប្រឆាំងនឹងបុគ្គលចំនួន 32 នាក់និង​ពាណិជ្ជកររុស្ស៊ី 3 នាក់ដែលជាប់ចោទពីបទលួចបន្លំឯកសាតាមប្រព័ន្ទ កុំព្យួទ័រ​ និង​ផ្នែកហិរញ្ញវត្ថុ ដែលនាំ​ឱ្យមាន​ការ​កាត់ទោសចំនួន 6 ដង​និងមនុស្សបីនាក់ដែលត្រូវបានជាប់គុក។

ប្រភពពី: Xinhua News

អត្តបទបកប្រែដោយ: ផានិត