សូមបងប្អូនដែលអញ្ជើញមកលេងបុណ្យអ៊ុំទូក មេត្តាអាណិតដល់ពូ មីង ដែលជាអ្នកបោសសម្រាមផង! មើលចុះ គាត់ត្រូវបោសសម្អាតសម្រាមដែលអស់លោកពិសារ តាំងពីម៉ោង ១២យប់ ដល់ម៉ោង៧ព្រឹក "បរិស្ថានស្អាត ផ្តើមចេញពីយើងគ្រប់ៗគ្នា"

សូមបងប្អូនដែលអញ្ជើញមកលេងបុណ្យអ៊ុំទូក មេត្តាអាណិតដល់ពូ មីង ដែលជាអ្នកបោសសម្រាមផង! មើលចុះ គាត់ត្រូវបោសសម្អាតសម្រាមដែលលោកពិសារហើយ តាំងពីម៉ោង ១២យប់ ដល់ម៉ោង៧ព្រឹក "បរិស្ថានស្អាត ផ្តើមចេញពីយើងគ្រប់ៗគ្នា"

រដ្ឋាបាលរាជធានីភ្នំពេញ បានបង្ហាញរូបភាពរបស់អ្នកបោសសម្រាម នៅលើបណ្តាញសង្គមហ្វេសប៊ុក ព្រមជាមួយសារខ្លីមួយ ដើម្បីអប់រំដល់ប្រជាពលរដ្ឋដើរកម្សាន្ត ក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ គួរណាយកសម្រាមទៅដាក់ក្នុងធុងសម្រាម មិនគួរណាទំលាក់ចោលសម្រាមពាសវាពាលកាល ព្រោះធ្វើឲ្យបាត់បង់សោភណ្ឌភាព ទីក្រុង។

នៅក្នុងសារបានសរសេររៀបរាប់ពីលោកអ៊ុំ លោកពូ អ្នកមីង ដែលគាត់ជាអ្នកបោសសម្រាម ឬក៏ជាអ្នកអនាម័យ ខំប្រឹងទាំងថ្ងៃទាំងយប់ ធ្វើការបោសសម្អាត ដើម្បីសោភណ្ឌភាពទីក្រុង។

សារនៅក្នុងគណនីហ្វេសប៊ុកបានរៀបរាប់ថា "ថ្ងៃទី២នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានសំរាមកើនឡើងជិត ២ដងនៃថ្ងៃទី១ ! ។

បើទោះបីជាត្រូវបោសសម្អាតចាប់ពីម៉ោង ១២:០០យប់ រហូតដល់ម៉ោង ៧:៣០ព្រឹក ក្តី ពួកគាត់នៅតែខិតខំប្រឹងប្រែង ដើម្បីធានាឱ្យបានបរិស្ថាន សោភណភាព និងសម្រស់ទីក្រុងស្រស់ស្អាត ដើម្បីទទួលស្វាគមន៍បងប្អូននៅថ្ងៃទីពីរនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០១៨ នេះ។

បរិស្ថានស្អាត ផ្តើមចេញពីយើងគ្រប់ៗគ្នា !

សូមចូលរួមសប្បាយរីករាយក្នុងថ្ងៃទី៣នៃព្រះរាជពិធីបុណ្យ !"។