ភ្នំពេញៈ កាលពីយប់ថ្ងៃទី២៤ ខែវិច្ឆិកា ឆ្នាំ២០១៨ ស្ថិតតាមផ្លូវ១៩៩ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។ មានហេតុការណ៏ភ្ញាក់ផ្អើលមួយ ដោយបុរសវ័យចំណាស់ម្នាក់ បានចូលមកមជ្ឈមណ្ឌលម៉ាស្សាសុខភាព យីហោ ស្ពាញសេនធ័រ (SPINE CENTER) ខាងក្រោយផ្សារទំនើបសុវណ្ណា ដើម្បីម៉ាស្សាព្យាបាលដោយចលនា អស់រយៈពេលជិត៣ម៉ោង ហើយក៏ត្រលប់ទៅផ្ទះវិញបាត់ ដោយមិនមានបញ្ហាអ្វីនោះទេ លុះវេលាម៉ោង១១យប់ថ្ងៃដដែល បុរសវ័យចំណាស់នេះ មិនដឹងទៅផឹកស្រាស្រវឹងនៅឯណានោះទេ បានត្រឡប់មកម៉ាស្សាសុខភាពម្ដងទៀត។
ដោយបុគ្គលិកបានរៀបចំបន្ទប់មួយនៅជាន់ទី៤ឲ្យគាត់ លុះពេលម៉ាស្សាព្យាបាលដោយចលនា អស់រយៈពេលជិត២ម៉ោង ស្រាប់តែឃើញបុរសវ័យចំណាស់រូបនោះ រត់ចុះមកវិញទាំងអាក្រាតកាយ រួចស្រែកឡូឡាថា ស្ត្រីម្នាក់ដែលជាអ្នកម៉ាស្សាឲ្យគាត់នៅក្នុងបន្ទប់នោះ បានលួចយកលុយរបស់គាត់១០០ដុល្លារ ហើយគាត់ក៏រត់ឡើងទៅស្លៀកពាក់ខោអាវវិញ រួចចុះមកសួររកមើលស្ត្រី ដែលម៉ាស្សាអោយគាត់នោះ ហើយស្រែកឡូឡាចោទប្រកាន់ថា ស្ត្រីម៉ាស្សានោះជាអ្នកលួច ទើបគាត់រត់ដេញតាមចុះមកដូច្នេះ បង្កការភ្ញាក់ផ្អើលដល់កម្លាំងល្បាតប៉ុស្តិ៍នគរបាលទំនប់ទឹក ចុះមកសាកសួរ។
ក្រោយពេលកើតហេតុ ដោយសារតែនិយាយមិនស្ដាប់គ្នា សមត្ថកិច្ចក៏ជិះចេះទៅល្បាតក្នុងភូមិសាស្ត្របាត់ ហើយបុរសចំណាស់នោះ នៅតែស្រែកឡូឡានៅមុខហាងនោះទៀត មួយសន្ទុះក្រោយមក បានស្រែកប្រាប់ថា ទៅប៉ុស្តិ៍ដាក់ពាក្យបណ្ដឹង ស្រាប់តែបាត់សូន្យមិនដឹងទៅណាបាត់នោះទេ ៕