ក្តៅក្តៅ...អ្នកនាងខ្ញុង បាននិយាយថា គាត់និយាយតែអ្វីដែលមើលឃើញ និងភាពជាក់ស្តែងប៉ុនណោះ ...(មានវិដេអូ)

តារាកំប្លែងដ៏មានប្រជាប្រិយភាព អ្នកនាងខ្ញុងបានចេញវិដេអូ ឆ្លើយតបទៅកាន់អ្នកគាំទ្រ ចំពោះបញ្ហារឿងទៅដើរលេងកំសាន្ត នៅខេត្តព្រះសីហនុ អំឡុងពេលថ្ងៃពិធីបុណ្យអ៊ុំទូករយៈពេលថ្ងៃនេះថា "ឮគេនិយាយ ១ពាន់ដងមិនស្មើឃើញផ្ទាល់ដោយខ្លួនឯង១ដងនោះទេ។ កំពង់សោមឥឡូវសម្បូរចិន ឯផ្ទះសំណាក់សណ្ឋាគារឡើងថ្លៃកប់ពពក បើគ្មានកិច្ចការងារអ្វីត្រូវបំពេញដាច់ខាត ខ្ញុំមិនទៅកំពង់សោមទៀតទេ"។

នៅក្នុងវិដេអូមួយនេះត្រូវបានអ្នកលេងបណ្តាញសង្គមហ្វេសប៊ុកជាច្រើន មានការគាំទ្រចំពោះអ្នកនាង ហើយក៏មានអ្នករិះគន់ជាច្រើនផងដែរ។

ការនិយាយរឿងរ៉ាវខាងលើនេះ ក៏មានមតិមួយចំនួនបានរិះគន់តារាកំប្លែងអ្នកនាងខ្ញុង យ៉ាងធ្ងន់ៗថា "បើខ្លួនគ្មានសមត្ថភាពគេងនៅផ្ទះសំណាក់ ឬ សណ្ឋាគារលំដាប់ៗយកកន្ទេលទៅក្រាលគេងទៅ "។ ហើយក៏មានគណនីហ្វេសប៊ុកមួយចំនួនក៏សូមឲ្យអ្នកនាងចេញមុខមកសុំទោសជាសាធារណៈផងដែរ។

ជាក់ស្តែងនៅក្នុងគណនីហ្វេសប៊ុករបស់អ្នកនាង ខ្ញុង បានរៀបរាប់បានថា "អ្នកនាងខំប្រឹងរកស៊ីរាល់ថ្ងៃ ដើម្បីចិញ្ចឹមកូន ទម្រាំតែបានមួយម៉ឺន ពីរម៉ឺន អង្គុយឡាយវិដេអូ គ្រាន់ចិញ្ចឹមជីវិត។ អ្នកនាងក៏បានប្រាប់ថា ពាក្យសម្តីនិយាយចេញមកគឺជាការពិតទាំងអស់។ “ ខ្ញុំនិយាយការពិតសោះ និយាយត្រង់ៗឃើញជាក់ស្តែងនឹងភ្នែក មិនពាក់ព័ន្ធនឹងនិន្នាការនយោបាយនោះទេ ខ្ញុំអត់ខ្លាចនោះទេ បើគ្រាន់តែនិយាយប៉ុណ្ណឹងគេឈប់ឲ្យឡើងប៉ុស្តិ៍ក៏ឈប់ទៅ ព្រោះសព្វថ្ងៃខ្ញុំរវល់ការងាររកស៊ី ស្ទើរគ្មានពេលសម្រាកផង"។