ថ្មីៗនេះអ្នកនាង ខ្ញុង ដែលជាតារាកំប្លែងបានចេញ់វីដេអូដែលនិយាយរៀបរាប់ពីទីក្រុង ព្រះសីហនុ ដោយក្នុងវីដេអូខ្លីប្រមាណជិត ២នាទី របស់អ្នកនាងខ្ញុងនិយាយថា «ឮគេនិយាយ១ពាន់ដង មិនស្មើនឹងបានមកឃើញផ្ទាល់ភ្នែកម្ដងទេ មកខេត្តកំពង់សោម ធ្លាប់តែឮគេនិយាយថា មិនហ៊ានមកលេងទៀតទេ គ្មានកន្លែងលេង គ្មានផ្ទះសំណាក់គេង ព្រោះចិនជួលយកអស់ហើយ។ វាមិនអត់ទេ វាមិនមាន តែវាមិនមានតម្លៃសម្រាប់ខ្មែរយើង ទទួលយកបានទេ ព្រោះវាថ្លៃសម្រាប់យើងអ្នកអត់។សំណាងល្អណាស់ដែលខ្ញុំមានបងប្អូនធម៌នៅព្រះសីហនុ ពួកគាត់បានធ្វើរបស់ឲ្យក្រុមគ្រួសារ ខ្ញុង ញាំ និងរកកន្លែងឲ្យអង្គុយលេងបាន ដូច្នេះប្រសិនបើ ខ្ញុង អត់មានវិញប្រហែលជា ខ្ញុង មិនដឹងទៅញាំនៅណាឡើយ ព្រោះរបស់ញាំនៅព្រះសីហនុ ថ្លៃៗណាស់ ពិសេសអាជីវិកខ្មែរនៅព្រះសីហនុ ពួកគាត់ចង់ឈប់លក់អស់ហើយ ព្រោះមិនដឹងលក់ឲ្យអ្នកណាញាំទៀតបើគ្មានអ្នកមកលេងផង»។
បន្ទាប់ពីអ្នកនាងខ្ញុងបានបង្ហោះវីដែអូនេះហើយក៏បានធ្វើឲ្យមហាជនទូទាំងប្រទេសបានមានការបញេ្ចញមតិរៀងៗខ្លួនមានមតិខ្លះបានរិះគន់ទៅអ្នកនាង ខ្ញុង យ៉ាងខ្លាំងៗ ហើយមានមតិខ្លះទៀតក៏បានគាំទ្រអ្នកនាងខ្ញុងទៅតាមការយល់ឃើញរៀងៗខ្លួន។
ហើយអ្វីដែលធ្វើឲ្យអ្នកប្រើបណ្ដាញសង្គមជាច្រើនមានការភ្ញាក់ផ្អើលនោះគឺបន្ទាប់ពីវីដេអូស្ត្រី២នាក់ ប្រកាសថាបន្ទប់ផ្ទះសំណាក់របស់ខ្លួននៅកំពង់សោម តម្លៃតែ ១៥ ទៅ ២០ដុល្លារក្នុងមួយយប់ ទោះថ្ងៃធម្មតា ឬបុណ្យទាន បានធ្វើឲ្យអ្នកប្រើប្រាស់បណ្ដាញសង្គមហ្វេសប៊ុកជាច្រើនចាប់អារម្មណ៍ និងត្រេកអរជាខ្លាំង ព្រោះជាតម្លៃសមរម្យពួកគេអាចទទួលយកបាន ពេលទៅលេងទៅនោះ។
អ្នកប្រើបណ្ដាញសង្គមជាច្រើនពេលបានឮម្ចាស់ផ្ទះសំណាក់ អ៊ឹង វិសាល ប្រកាសថា បន្ទប់ខ្លួនតម្លៃតែ ១៥ ទៅ ២០ដុល្លារមួយយប់ ពួកគេខ្លះក៏ត្រៀមចិត្តកក់ទុកសម្រាប់ថ្ងៃឆ្លងឆ្នាំខាងមុខ តែអ្វីៗហួសពីការរំពឹងទុក។ បុរសម្នាក់បានទូរសព្ទសាកសួរតម្លៃ និងចង់កក់បន្ទប់ផ្ទះសំណាក់អឹង វិសាល ៥បន្ទប់សម្រាប់ថ្ងៃចូលឆ្នាំសកលខាងមុខ ព្រោះឃើញគេប្រកាសតែ ១៥ ទៅ ២០ដុល្លារ បែរខាងផ្ទះសំណាក់ឆ្លើយថា តម្លៃ ១៥-២០ដុល្លារនេះ មានតែ ៤បន្ទប់ប៉ុណ្ណោះក្នុងចំណោមទាំងអស់ ២៨បន្ទប់ ហើយតូចចង្អៀតមិនសូវស្អាត។
(មានវីដេអូ)