ភ្នំពេញៈ កាលពីវេលាម៉ោង១១ៈ១០នាទីព្រឹក ថ្ងៃទី២៩ ខែវិច្ឆិកា ឆ្នាំ២០១៨ មានករណីទាស់ពាក្យសម្ដីមួយ ដោយស្រ្ដីម្នាក់ មានឈ្មោះ ខ្មៅ គីម មានទីលំនៅស្រុកមេសាង ខេត្តព្រៃវែង (ប្រពន្ធដើម)។ បានលែងលះគ្នា២ខែ ជាមួយប្ដីមានឈ្មោះ ហេន ធឿន អាយុ៤៤ឆ្នាំ មុខរបលក់ម៉ូតូ និងប្រពន្ធក្រោយមានឈ្មោះ អួន ញ៉ែម មុខរបរ កម្មការិនីរោងចក្រ។ ដោយខាងប្រុសបានឲ្យអស់មាស១តម្លឹង លុយ១ពាន់ដុល្លារ ទៅប្រពន្ធដើមក្នុងការចែកផ្លូវ ស្រាប់តែអតិតប្រពន្ធដើមចាញ់ល្បែងអស់ មកតាមរករឿងឈ្លោះប្រកែកគ្នាទាលុយ១០០ដុល្លារ ថែមទៀតបង្កការភ្ញាក់ផ្អើលពេញប៉ុស្តិនគរបាលទួលសង្កែ១ ។
បើតាមសម្ដីស្ត្រីជាប្រពន្ធក្រោយ បានរៀបរាប់អោយដឹងថា កាលពីអំឡុងមុនភ្ជុំបិណ្ឌ រូបគាត់និងបុរសជាប្ដីបានស្គាល់គ្នាតាមរយៈហ្វេសប៊ុក ហើយក៏មានទំនាក់ទំនងស្នេហាមួយគ្នា ដោយខាងបុរសជាប្ដីបានប្រាប់រូបគាត់ថា បានលែងលះគ្នាជាមួយប្រពន្ធដើម រួចហើយ លុះដល់ថ្ងៃបុណ្យភ្ជុំបិណ្ឌ គាត់ក៏បាននាំគ្នាទៅលេងផ្ទះនៅឯស្រុកកំណើត ពេលនោះស្រាប់តែលិចមុខប្រពន្ធដើមទៅរករឿងដល់ផ្ទះរបស់គាត់ បង្កការភ្ញាក់ផ្អើលរហូតឈានទៅដល់នាំគ្នាទៅរកមេភូមិ ដើម្បីធ្វើកិច្ចសន្យាបញ្ចប់រឿង ដោយខាងប្ដីអោយមាស១តម្លឹង ទៅខាងប្រពន្ធដើម។ លុះក្រោយមិនបានប៉ុន្មានផង ប្រពន្ធដើមមករករឿងម្ដងទៀត នៅក្នុងអំឡុងខែ១១ តែមិនចាំថ្ងៃ (ប្រពន្ធដើម) បានមកទាលុយ១ពាន់ដុល្លាទៀត គាត់និងប្ដីបានអោយទៀតដើម្បីបញ្ចប់។ លុះមកថ្ងៃទី២៨ម្សិលមិញនេះ ស្ត្រីជាប្រពន្ធដើម បានឡើងជិះឡានឈ្នួលមកពីស្រុក មករករឿងពួកគាត់ម្ដងទៀត ទើបគាត់រត់មករកអោយសមត្ថកិច្ចជួយអន្តរាគមន៍។
ចំណែកអតិតៈប្រពន្ធដើមមិនបាននិយាយអ្វីទាំងអស់ ដោយគិតតែប្រកែកជាមួយប្រពន្ធក្រោយ និងបុរសអតិតជាប្ដីដោយទាមទាតែលុយ១០០ដុល្លារ និងឈប់រករឿង។ ដោយឡែកបុរសជាប្ដីបានរៀបរាប់ថា រូបគាត់និងអតីត ប្រពន្ធដើម បានចាប់ដៃគ្នាប្ដីប្រពន្ធ ដោយពុំបានរៀបការនោះទេ ប្រហែល២០ឆ្នាំ ព្រមទាំងមានកូនចំនួន២នាក់ធំៗហើយ។ គាត់បានបន្តថា ប្រពន្ធដើមរបស់ជាមនុស្សញៀនល្បែង បំផ្លាញទ្រព្យសម្បត្តិ នៅក្នុងផ្ទះអស់គ្មានសល់ ទើបគាត់សុំលែងលះឈប់យកគ្នាជាប្ដីប្រពន្ធទៀត ដោយអោយមេភូមិជួយធ្វើកិច្ចសន្យានិងបានយល់ព្រមជាមួយគ្នារួចរាល់អស់ហើយ តែនៅតាមមករករឿងគាត់ទាំង២នាក់ទៀតនៅពេលណាដែលគាត់ចាញ់ល្បែងម្ដងៗ។
ដោយឡែកប្រពន្ធដើមមាន ចុងក្រោយ ប្រពន្ធចុងព្រមអោយលុយ១០០ដុល្លា ទៅប្រពន្ធដើម ហើយអោយនរបាលប៉ុស្តិទួលសង្កែ១ ជួយធ្វើកិច្ចសន្យាបញ្ចប់បញ្ហា រួចក៏បាននាំគ្នាចេញទៅផ្ទះរៀងៗខ្លួន ៕